Baldur Borgþórsson, varaborgarfulltrúi Miðflokksins, birtir launaseðilinn sinn frá Reykjavíkurborg á Facebooksíðu sinni. Hann vill að laun allra starfsmanna borgarinnar verði gerð opinber  kallar eftir meira gagnsæi:

„Laun opinberra starfsmanna eiga að vera upp á borðum. Hér er minn launaseðill frá Reykjavíkurborg, 1.nóv 2018. Það er mín skoðun að laun ALLRA sem starfa hjá borginni eigi að vera aðgengileg, alltaf. Það er gagnsæi. Hvers vegna í ósköpunum er það ekki svo? Hvernig má það vera að launagreiðendur okkar, hinn almenni borgari getur ekki gengið að svo sjálfsögðum upplýsingum vísum, alltaf? Hver og hver og vill og verður? ?“

Aðgengilegar upplýsingar

Laun borgarstjóra, borgarfulltrúa og varaborgarfulltrúa eru opinberar upplýsingar sem eru aðgengilegar fjölmiðlum og almenningi.

Sjá nánar: Laun borgarfulltrúa hækkað um rúm 22 prósent

Sjá nánar: Borgarritari og sviðsstjórar Reykjavíkurborgar launahæstir með 1.5 milljónir á mánuði

Á vef Starfsmannafélags Reykjavíkurborgar má einnig nálgast launatöflur þeirra sem starfa hjá borginni, eftir atvinnugrein og starfsstétt. Þar er reiknað eftir meðaltali, en Baldur virðist vilja ganga enn lengra í gagnsæi launa borgarstarfsmanna, án þess að það sé skýrt nánar.

Yfir hálf milljón á mánuði

Baldur, sem einnig starfar sem einkaþjálfari í World Class, er með rúmar 786 þúsund krónur á mánuði hjá borginni og fær alls 530 þúsund krónur útborgaðar.

Föst nefndarlaun eru 726 þúsund krónur og starfskostnaður er um 52 þúsund á mánuði.