Grunnlaun borgarfulltrúa hafa hækkað sem nemur 22,4 prósentum frá því í apríl í fyrra, eða 133 þúsund krónur, þegar borgarstjórn ákvað að binda launin við þróun launavísitölu í stað þess að fylgja úrskurði kjararáðs. Fréttablaðið greinir frá.

Í síðustu viku var tilkynnt á fundi forsætisnefndar að grunnlaunin yrðu 726,748 krónur og fastur starfskostnaður 52,486 krónur.

Í apríl í fyrra var ákveðið í borgarstjórn að binda laun kjörinna fulltrúa við þróun launavísitölu. Árið áður hafði kjararáð hækkað launi þeirra um rúm 44 prósent sem skapaði nokkra úlfúð í samfélaginu og ákvað borgarstjórn að fyrsta launin til að byrja með og aftengja sig kjararáði í fyrra.

Fyrir þá hækkun voru grunnlaun borgarfulltrúa 593,720 krónur á mánuði. Með hækkun kjararáðs hefðu grunnlaun orðið 856,949 krónur.

Grunnlaunin eru nú 726 þúsund, en ofan á kemur ýmis starfskostnaður og álagsgreiðslur sem getur numið hundruðum þúsunda. Til dæmis fá þeir borgarfulltrúar sem sitja í borgarráði greitt álag sem nemur fjórðungi af grunnlaunum. Fær formaður borgarráðs 40% álag.

Þá fá þeir borgarfulltrúar sem sitja í þremur eða fleiri fastanefndum einnig fjórðungsálag ofan á grunnlaunin.

Borgarfulltrúum var fjölgað úr 15 í 23 í síðustu sveitarstjórnarkosningum.