Af þeim 58 embættismönnum Reykjavíkur er borgarritari, auk sviðsstjóra velferðasviðs, skóla- og frístundasviðs, umhverfis- og skipulagssviðs, með hæstu launin eða um 1,5 milljónir á mánuði. Þetta kemur fram í Morgunblaðinu.
Þess má geta að laun borgarstjóra eru rúmar tvær milljónir á mánuði.
Störfin heyra undir kjaranefnd borgarinnar. Horft var til launavísitölu á almennum vinnumarkaði við mat á launaþróun, ásamt launavísitölu opinberra starfsmanna, starfsmanna sveitarfélaga og stjórnenda á almennum vinnumarkaði. Þá var horft til úrskurða kjararáðs heitins einnig.
Ofan á grunnlaun bætast ákveðið margar yfirvinnueiningar, en ein eining er alls 9,573 krónur. Þær greiðast alla mánuði ársins, sem og í sumarleyfum, en orlofsfé greiðist ekki ofan á yfirvinnueiningarnar.
Borgarritari og áðurnefndir sviðsstjórar fá flestar yfirvinnueiningar, eða 26 talsins, og fá því fasta upphæð greidda sem yfirvinnu í hverjum mánuði, alls 247,962 krónur.
Ekki eru ákvarðanir um almennar launahækkanir embættismanna borgarinnar í farvatninu, samkvæmt Ingu Björg Hjaltadóttur, formanni kjaranefndarinnar.
Starf/embætti/laun
(Grunnlaun auk yfirvinnu)
- Borgarritari – 1.587,941
- Sviðsstjórar velferðarsviðs, skóla- og frístundasviðs, umhverfis- og skipulagssviðs, íþrótta- og tómstundasviðs og menningar og ferðamálasviðs – 1.495.726 til 1.543.591
- Borgarlögmaður,innri endurskoðandi og umboðsmaður – 1.371.277 til 1.495.726
- Skrifstofustjóri borgarstjórnar – 1.333.183
- Skrifstofustjóri borgarstjóra og borgarritara, fjármálastjóri, skrifstofustjórar eigna- og atvinnuþróunar og þjónustu og rekstrar, mannréttindastjóri- 1.201.968 til 1.351.972
- Skrifstofustjórar USK, VEL, SFS, ÍTR og menningar og ferðamála- 1.058.373
- Skrifstofustjórar framkvæmda og viðhalds, umhverfisgæða, reksturs og umhirðu, fagskrifstofu leikskólamála, fagskrifstofu grunnskólamála, menningarmála, framkvæmd þjónustu, þjónusta heim, ráðgjafaþjónustu, frístundamála. Samgöngustjóri. Framkvæmdastjóri heilbrigðiseftirlits. Byggingarfulltrúi. Skipulagsfulltrúi. Framkvæmdastjóri Barnaverndar. Hverfisstjóri Breiðholti. Framkvæmdastjórar þjónustumiðstöðvar Laugardals og Háaleitis, Grafarvogs og Kjalarness, Árbæjar og Grafarholts, Vesturbæjar, Miðborgar og Hlíða. Fjármálastjórar SFS, USK, VEL, SFS, USK og VEL – 1.075.992 til 1.201.968
- Framkvæmdastjóri Bílastæðasjóðs –1.104.711
- Borgarskjalavörður. Borgarbókari. Skrifstofustjóri Fjármálaskrifstofu. Deildarstjóri kjaradeildar Fjármálaskrifstofu. Starfsmannastjóri Reykjavíkurborgar –1.104.711 til 1.133.430
- Borgarbókavörður, safnstjóri Borgarsögusafns, safnstjóri Listasafns, forstöðumaður Höfuðborgarstofu – 954.573 til 1.040.730
