Brynjar Níelsson, þingmaður Sjálfstæðisflokksins, er ósammála ályktun ADHD-samtakanna sem var gefin út fyrr í vikunni og gagnrýndi málflutning embættis landlæknis þegar við kæmi umræðunni um ADHD.
„Lífið er ekki alltaf dans á rósum, segir Brynjar og heldur áfram með að flestir þurfi í lífi sínu að horfa í augu við eitthvað mótlæti. Menn hafi á árum leitað í trúnna eða í innri styrk en Brynjar vill meina að nú séum við orðin „svo gáfum, menntuð og vísindaleg að við nennum ekki slíkri dellur lengur.“
Nú á dögum leiti menn til lækna- og lyfjafræðinnar til að leysa öll vandamál. En til þess að svo sé hægt þarf að greina vandann sem sjúkdóm. „Nú er svo komið að við erum komin langt fram úr öðrum þjóðum í slíkum greiningum með tilheyrandi lyfjagjöf.“
Brynjar telur heilmikið til í því sem landlæknir segir um að lyfjameðferðir séu skammtímalausnir. „Landlækni er rétt og skylt að benda á þetta og því ástæðulaust að bregðast við með þeim hætti sem ADHD samtökin gera samkvæmt þessari frétt.“