fbpx
Föstudagur 19.apríl 2019
Eyjan

Ásmundur fengið rúmar 23 milljónir vegna aksturs

Ritstjórn Eyjunnar
Miðvikudaginn 5. desember 2018 13:30

Ásmundur Friðriksson.

Ekki missa af Helstu tíðindum dagsins í pósthólfið þitt

Lesa nánar

Ásmundur Friðriksson, þingmaður Sjálfstæðisflokksins, hefur þegið 23,5 milljónir frá Alþingi í endurgreiddan aksturskostnað síðan 2013, er hann settist fyrst á þing. Upplýsingar um laun og kostnaðargreiðslur Alþingismanna frá árinu 2007 voru birtar í gær á vef Alþingis og þar má sjá að Ásmundur keyrði fyrir tæpar 3,2 milljónir árið 2013, en mest keyrði hann árið 2014 og fékk þá um 5,4 milljónir frá Alþingi vegna nota á eigin bifreið.

Árið 2015 fékk hann um fimm milljónir, og tæpar 4,9 milljónir árið 2016. Árið 2017 hlaut hann 4,2 milljónir fyrir aksturinn, líkt og greint var frá í upphafi árs, og alls 4,6 milljónir vegna ferðalaga innanlands.

Það sem af er árinu 2018 hefur Ásmundur aðeins þegið 684 þúsund krónur fyrir afnot af eigin bifreið, en 824 þúsund krónur fyrir afnot af bílaleigubíl. Alls hefur Ásmundur greitt 484 þúsund krónur í eldsneyti vegna ferða sinna, sem hann fær endurgreitt einnig. Gisti- og fæðukostnaður er 122 þúsund krónur og flugferðir innanlands eru 79 þúsund krónur.

Alls er kostnaður við ferðalög Ásmundar innanlands því um 2,2 milljónir króna fyrir árið 2018.

Samkvæmt starfsreglum Alþingis skulu þingmenn sem aka meira en 15 þúsund kílómetra á ári, fá afnot af bílaleigubíl sem Alþingi leggur til. Ásmundur ók 47 þúsund kílómetra árið 2017, en hann lagði einkabílnum í febrúar á þessu ári eftir að akstursmálið komst í hámæli og fékk afnot af bílaleigubíl.

Sjá einnig: Steingrímur J. Sigfússon er greiðslukóngur ársins – Sjáðu launahæstu þingmennina frá 2007 – 2018

Ekki tilefni til rannsóknar

Ásmundur endurgreiddi Alþingi 178 þúsund krónur vegna aksturs síns frá árinu 2017 með tökufólki frá sjónvarpsstöðinni ÍNN. Þótti honum það orka tvímælis að blanda saman ferðum sínum um kjördæmið með tökufólkinu, en í lok Kastljósþáttar í byrjun árs heyrðist Ásmundur viðurkenna að hann hefði rukkað Alþingi fyrir þann akstur, þó svo ljóst væri að sú ferð væri ekki hluti af starfi hans sem þingmaður.

Björn Leví Gunnarsson, þingmaður Pírata, sagði að um fjársvik væri að ræða hjá Ásmundi og óskaði eftir að Forsætisnefnd rannsakaði allan aksturskostnað þingmanna og Ásmundar Friðrikssonar sérstaklega.

Nefndin komst hinsvegar að þeirri niðurstöðu að ekki væri nægilegt tilefni til slíkrar rannsóknar.

Sjá nánar: Alþingi segir ekkert tilefni til að rannsaka Ásmund Friðriksson og akstursgreiðslur til þingmanna

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Kolbrún Baldursdóttir gagnrýnir Frístundakortin: „Hafa sumir foreldrar ekki efni á námskeiði fyrir barn sitt“

Kolbrún Baldursdóttir gagnrýnir Frístundakortin: „Hafa sumir foreldrar ekki efni á námskeiði fyrir barn sitt“
Eyjan
Í gær

FRÚ VIGDÍS FINNBOGADÓTTIR VERÐUR VERNDARI BARNAÞINGS

FRÚ VIGDÍS FINNBOGADÓTTIR VERÐUR VERNDARI BARNAÞINGS
Eyjan
Fyrir 2 dögum

Segir umræðuna um þriðja orkupakkann vera ógnandi og ofstopafulla – „Þetta er tilfinningalegt átakamál“

Segir umræðuna um þriðja orkupakkann vera ógnandi og ofstopafulla – „Þetta er tilfinningalegt átakamál“
Eyjan
Fyrir 3 dögum

Guðlaugur Þór vísar fjarstæðukenndum dylgjum andstæðinga orkupakkans til föðurhúsanna

Guðlaugur Þór vísar fjarstæðukenndum dylgjum andstæðinga orkupakkans til föðurhúsanna
Eyjan
Fyrir 3 dögum

Brynjar Níelsson: „Þið hafið kosið rangan mann á þing ef þið haldið það, kæru vinir“

Brynjar Níelsson: „Þið hafið kosið rangan mann á þing ef þið haldið það, kæru vinir“
Eyjan
Fyrir 3 dögum

Hver tekur við af Höskuldi hjá Arion banka ? – Þessir hafa verið nefndir til sögunnar

Hver tekur við af Höskuldi hjá Arion banka ? – Þessir hafa verið nefndir til sögunnar