Ólafur Þór Gunnarsson, þingmaður VG, hefur beðist afsökunar á ummælum sínum úr ræðustól Alþingis í gær, líkt og Eyjan fjallaði um í dag. Öryrkjabandalag Íslands vakti athygli á málinu og sagði Ólaf fara með rangt mál, sem hann gekkst við í dag og bar við fótaskorti á tungunni:
„Í gær urðu mér á þau mistök í þingræðu að segja að frítekjumark atvinnutekna elli og örorkulífeyrisþega hefði verið hækkað úr 25 í 100 þúsund. Hið rétta er að frítekjumark ellilífeyrisþega hefur verið hækkað sem þessu nemur. Ég biðst einlæglega afsökunar á þessu. Starfshópur á vegum félags -og barnamálaráðherra vinnur nú að tillögum um breytingar á almannatryggingakerfinu sem eiga að gagnast öryrkjum sérstaklega.“
