fbpx
Laugardagur 16.febrúar 2019
Eyjan

Lilja sannfærð um að verð á bókum lækki: „Þetta er sigur bókarinnar“

Ari Brynjólfsson
Þriðjudaginn 11. september 2018 12:32

Ekki missa af Helstu tíðindum dagsins í pósthólfið þitt

Lesa nánar

Lilja Alfreðsdóttir menntamálaráðherra segir að leiðin sem verði farin við að lækka verð á bókum sé betri en að afnema virðisaukaskattinn. Líkt og Eyjan greindi frá í morgun stóð til að afnema 11% virðisaukaskatt á bókum en þau áform hafa verið lögð á hilluna í fjárlagarfumvarpi næsta árs.

Sjá einnig: Virðisaukaskattur ekki afnuminn af bókum

Lilja segir í samtali við Eyjuna að leiðin sem verði farin sé betri en afnám virðisaukaskattsins.

„Það sem við erum að gera núna er að styrkja íslenska bókaútgáfu um 400 milljónir króna á komandi ári. Til þess að þessir fjármunir nýtist sem best og að útgáfa bóka á íslensku njóti góðs, fari ekki í að niðurgreiða erlendar bækur, þá veljum við þessa leið að endurgreiða 25% af kostnaði við að gera bækur á íslensku. Við erum í rauninni að gera meira en að afnema 11% virðisaukaskatt,“ segir Lilja. Þetta sé markvissari og betri leið. „Þetta er sigur bókarinnar.“

Lilja, sem hefur talað mikið fyrir afnámi virðisaukaskattsins á bækur fram til þessa, er mjög ánægð með útfærsluna. „Við sjáum að bókasala er að dragast saman um 40% og ég er bara þannig að ef ég sé leið sem gæti virkað betur, er markvissari og ég hef trú á, þá mun ég styðja hana. Ég hefði aldrei hleypt þessu í gegn ef þetta væri ekki betra.“ Lilja mælir fyrir frumvarpinu í næstu viku.

Mun þetta leiða til þess að bækur á íslensku verði ódýrari úti í búð?

„Já. Ég geri ráð fyrir því að þegar við erum komin með þennan umfangsmikla stuðning að verð á bókum lækki. Ég er sannfærð um að útgefendur taki vel í þá áskorun.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Gulvestungar boða mótmæli fyrir utan Tryggingastofnun

Gulvestungar boða mótmæli fyrir utan Tryggingastofnun
Eyjan
Fyrir 2 dögum

Heimir illur og hneykslaður: „Ber þetta vott um skynsemi eða hálfvitagang?“

Heimir illur og hneykslaður: „Ber þetta vott um skynsemi eða hálfvitagang?“
Eyjan
Fyrir 3 dögum

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“

Ragnar Þór segir ríkið stela af öldungum – Faðir hans vann alla ævi: „Hann er að fá úr kerfinu eftir skatt 141 þúsund krónur“
Eyjan
Fyrir 3 dögum

Laun bæjarfulltrúa í Kópavogi lækka

Laun bæjarfulltrúa í Kópavogi lækka