fbpx
Laugardagur 17.ágúst 2019  |

Landsfundurinn: Skattalækkanir, niðurskurður, einkavæðing og sprengja undir EES

Ritstjórn DV
Mánudaginn 19. mars 2018 12:14

Ekki missa af Helstu tíðindum dagsins í pósthólfið þitt

Lesa nánar

Landsfundur Sjálfstæðisflokksins var mjög friðsamur, það virðist ríkja eindrægni í flokknum. Formaðurinn var endurkjörinn með gríðarlegum meirihluta og nýr varaformaður fékk líka feikilega góða kosningu.

En það er eitt og annað sem er athygli vert af fundinum, og ekki bara hin nokkuð óskýra málsgrein um Landspítalann í stjórnmálaályktuninni. Menn eru þegar farnir að þrátta um hvað hún þýðir.

Í fjárlaganefnd landsfundarins var ályktað að útgjöld hins opinbera verði ekki meira en 35 prósent af landsframleiðslu árið 2025. Þau eru nú um 45 prósent af landsframleiðslu sem er minna en víða í nágrannalöndum.

Þetta myndi því þýða gríðarlegan niðurskurð – og kannski ekki líklegt að það verði að veruleika. Þarna er líka að finna tillögur að mikilli einkavæðingu.

Sjálfstæðisflokkurinn telur að selja eigi ákveðnar ríkiseignir s.s. eignarhlut ríkisins í Íslandsbanka, Landsbanka, Flugstöð Leifs Eiríkssonar, Íslandspósti og annan samkeppnisrekstur. Öll söluferli verða að vera opin og leikreglur skýrar. Þá er rétt að leggja niður ÁTVR og RÚV í núverandi mynd.

Í framhaldi af þessu kemur svo ályktun úr efnahags- og viðskiptanefnd fundarins þar sem segir að stefnt skuli að því að tekjuskattur og útsvar einstaklinga lækki á næstu árum og verði 25 prósent árið 2025.

Raunsætt mat – það verður að segjast eins og er að fæst af þessu er líklegt til að verða að veruleika í ríkisstjórnarsamstarfi með Vinstri grænum. Samt mátti skilja á fundinum að Sjálfstæðismenn væru þokkalega ánægðir með það.

Í ályktun utanríkismálanefndar landsfundarins er hvatt til þess að gerð verði úttekt á reynslunni af EES samningum. Það er örugglega tímabært. En svo má nefna ályktun atvinnuveganefndar þar sem er hafnað

Sjálfstæðisflokkurinn hafnar frekara framsali á yfirráðum yfir íslenskum orkumarkaði til stofnana Evrópusambandsins.

Þetta síðasta hefur vakið athygli út fyrir landsteinana en í Noregi er nú mikið um þetta fjallað. Segir á vefnum Abc Nyheter að Íslendingar hafi sprengt sprengju undir Acer, orkustofnun Evrópusambandsins. Norðmenn tengjast raforkukerfi ESB og er hugsanlegt að þeir missi að einhverju leyti forræði yfir orkumálum sínum. Ísland tengist ekki orkukerfinu en við yrðum þó væntanlega sett undir þessa tilskipun.

Það er heldur ekki ólíklegt að í þessu máli geti Sjálfstæðisflokkurinn fundið samhljóm með hinum stjórnarflokkunum, ólíkt málunum sem eru nefnd ofar í pistlinum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Gleðigangan er í dag
433
Fyrir 3 klukkutímum

Arsenal lagði Burnley

Arsenal lagði Burnley
433
Fyrir 3 klukkutímum

Byrjunarlið Everton og Watford: Gylfi byrjar

Byrjunarlið Everton og Watford: Gylfi byrjar
433
Fyrir 5 klukkutímum

Líflína fyrir Bale: Hazard missir af nokkrum leikjum

Líflína fyrir Bale: Hazard missir af nokkrum leikjum
Fréttir
Fyrir 5 klukkutímum

WOW var orðið ógjaldfært um mitt ár 2018

WOW var orðið ógjaldfært um mitt ár 2018
433
Fyrir 6 klukkutímum

Orðinn pirraður hjá Liverpool: ,,Ég þarf að skoða stöðuna“

Orðinn pirraður hjá Liverpool: ,,Ég þarf að skoða stöðuna“
433Sport
Fyrir 7 klukkutímum

Voru leikmenn Chelsea að hugsa um fyrrum liðsfélaga?

Voru leikmenn Chelsea að hugsa um fyrrum liðsfélaga?
Fréttir
Fyrir 8 klukkutímum

Fór í tvo þjófnaðarleiðangra í sömu verslunina

Fór í tvo þjófnaðarleiðangra í sömu verslunina
433Sport
Fyrir 9 klukkutímum

Horfir á sama myndbandið á hverju kvöldi: ,,Tók tíma að átta mig á hvað hafði gerst“

Horfir á sama myndbandið á hverju kvöldi: ,,Tók tíma að átta mig á hvað hafði gerst“