Málið snýst um kröfu Fréttablaðsins um að veita blaðamanni Fréttablaðsins aðgang að upplýsingum um fjármögnun bankans á framhaldsnámi fyrrverandi forstöðumanns gjaldeyriseftirlits bankans. Úrskurðarnefndin kvað upp úr um það þann 10. júlí að bankinn ætti að afhenda gögn um þetta þar sem almenningur hefði meiri hagsmuni af því að skjalið verði gert opinbert en að viðkomandi starfsmaður af því að það fari leynt.
Samkvæmt frétt Fréttablaðsins í dag þá féllst nefndin á beiðni bankans um að samningurinn verði ekki afhentur fyrr en dómur sem gerir bankanum skylt að afhenda hann liggi fyrir. Samkvæmt úrskurði nefndarinnar hefur bankinn nú sjö daga til að vísa málinu til dómstóla og verður hann að krefjast flýtimeðferðar.
Nefndin vísar í niðurstöðu sinni til óvissu um túlkun ákvæðis um undanþágu upplýsingaréttar í málum er varða starfsmenn opinberra stofnanna, umsóknir um starf, framgang í starfi eða starfssambandið að öðru leyti.