Lög sem kveða um rétt einstaklinga til að skilgreina sjálfir kyn sitt voru samþykkt á Alþingi í dag. Frumvarpið má lesa hér en þar segir meðal annars:
Sérhver einstaklingur sem náð hefur 15 ára aldri hefur rétt til að breyta skráningu á kyni sínu í þjóðskrá. Beiðni um slíka breytingu skal beint til Þjóðskrár Íslands. Jafnhliða breyttri skráningu kyns á umsækjandi rétt á að breyta nafni sínu.
Óheimilt er að gera skurðaðgerð, lyfjameðferð, hormónameðferð eða aðra læknismeðferð, svo sem geðlæknismeðferð eða sálfræðimeðferð, að skilyrði fyrir breytingu á skráningu kyns.
Samtökin 78 fagna mjög samþykkt laganna í nýrri stöðufærslu félagsins á Facebook:
FRUMVARP UM KYNRÆNT SJÁLFRÆÐI SAMÞYKKT
Rétt í þessu samþykkti Alþingi frumvarp um kynrænt sjálfræði. Til hamingju með þetta mikilvæga skref í réttindabaráttu hinsegin fólks!