Margrét Friðriksdóttir, skólameistari Menntaskólans í Kópavogi til 25 ára, lætur af störfum nú í haust. Níu einstaklingar sækjast nú eftir stöðunni sem verður skipað í frá og með 1. ágúst til fimm ára.
Umsækjendurnir eru :
Ágústa Elín Ingþórsdóttir skólameistari,
Ásgeir Þór Tómasson fagstjóri,
Einar Hreinsson forstöðumaður,
Erla Björk Þorgeirsdóttir verkefnisstjóri,
Guðríður Eldey Arnardóttir framhaldsskólakennari,
Guðrún Erla Sigurðardóttir framhaldsskólakennari,
Helgi Kristjánsson aðstoðarskólameistari MK
Lúðvík Marinó Karlsson,
Ólafur Haukur Johnson framkvæmdastjóri.
Frá Menntaskólanum í Kópavogi útskrifuðust í dag 218 nemendur við hátíðlega athöfn í Digraneskirkju. Við útskrift kom fram að þetta verði síðasta útskrift Margrétar, sem hefur staðið vaktina í MK í alls 25 ár. Í ræðu sinni við útskriftina greindi Margrét frá fleiri breytingum, en skólinn reytist úr fjögurra ára bóknámsskóla í þriggja ára. Jafnframt var greint frá því að MK sé nú formlega komið með jafnlaunavottun.
Dúxarnir voru Ester Hulda Ólafsdóttir og Karen Birta Kjartansdóttir og nýsveinn Sandra Sif Eiðsdóttir. Estar Hulda hlaut einnig styrk frá rótarýklúbb Kópavogs fyrir góðan árangur í raungreinum og Sandra Sif fékk verðlaun frá Rótarýklúbbnum Borgir í Kópavogi fyrir góðan námsárangur í iðnnámi. Karen Birta fékk styrk fyrir góðan námsárangur og störf að mannúðarmálum frá Ingólfssjóði sem stofnaður var til minningar um Ingólf A. Þorkelsson, fyrrverandi skólameistara.
Við óskum útskriftarnemunum innilega til hamingju með áfangann.