„Greinin í Grapevine var röng og blaðinu til skammar. Greinin var ósæmileg, röng og lygi, til þess gerð að sverta mannorð fyrirlesarans og þeirra sem að fundinum stóðu,“ skrifar Jón Magnússon og er mikið niðri fyrir í pistli sem hann birti snemma í morgun. Jón Magnússon er þýðandi bókarinnar Dauði Evrópu, en höfundur hennar, Douglas Murray, hélt fyrirlestur í Hörpu í gær.
Í gær birtist á vef Grapevine, grein eftir Andie Fontaine, fyrrverandi varaþingmann VG, þar sem Douglas Murray var kallaður íslamófób og að hann hefði fullyrt án rökstuðnings að meirihluti íbúa í London væri ekki af breskum uppruna lengur. Í greininni var einnig farið nokkrum orðum um þá gagnrýni sem Harpa hefur fengið fyrir að hýsa fyrirlesturinn, meðal annars frá Viðari Þorsteinssyni, framkvæmdastjóra Eflingar, sem skrifaði opið bréf fyrir Svanhildar Konráðsdóttur, forstjóra Hörpu, þar sem hann biðlaði til hennar um að taka viðburðinn af dagskrá.
Douglas Murray fór sjálfur háðslegum orðum um greinina í Grapevine á fyrirlestrinum í gærkvöld og benti á að fullyrðingin um uppruna íbúa London væri byggður á opinberum gögnum eins og mjög greinilega kæmi fram í bókina.
Fyrirlesturinn var haldinn í salnum Kaldalón í Hörpu og var salurinn rætt tæplega fullskipaður, en hann tekur 195 manns í sæti. Engin mótmæli voru fyrir fyrir utan fundarsalinn.
Jóni Magnússyni er mikið niðri fyrir í pistli sínum og segir fámenna hópa vinstri sinnaðs öfgafólks geta atlögu að tjáningarfrelsinu:
Fámennir hópar öfgafólks geta oft haft mikil áhrif og hrætt fólk frá því að taka þátt í lýðræðislegri umræðu og valdið þeim sem það vilja ýmsum vandræðum. Þeim tókst það í Þýskalandi á fjórða áratug síðustu aldar í líki nasista. Þeim tókst það á Ítalíu á þriðja tug síðustu aldar á Ítalíu í líki fasista og þeim tókst það víða í Evrópu á síðustu öld og jafnvel enn á þessari í líki kommúnista. Allt er þetta hugmyndir heildarhyggjufólks sem viðurkennir ekki einstaklingsfrelsið.