Bjarni Benediktsson, sagði við upphaf þingfundar í dag að hallaðist að því að hann þyrfti að leggja fram nýja fjármálastefnu ríkisstjórnarinnar fyrir Alþingi vegna breyttra forsenda í efnahagslífinu undanfarin misseri. Vísaði hann til gjaldþrots WOW air og aukins atvinnuleysis í kjölfarið og spá Hagstofu Íslands um samdrátt á árinu. RÚV greinir frá.

Sagði Bjarni að þetta væri mesta breytingin á milli spágerða frá Hruni, og í ljósi aðstæðna hallaðist hann að því að leggja þyrfti fram nýja fjármálaáætlun. Meginspurningin sneri að því hvort halda ætti sig við form, stefnuna frá árinu 2017, eða hvort líta ætti raunsætt á málið og spyrja:

„Hvað er það í opinberum fjármálum sem kemur að bestu gagni fyrir hagkerfið og fólkið sem býr í þessu landi í dag. Það er alvöru spurningin. Nema menn ætli að vera formalistar.“

Odný G. Harðardóttir, þingmaður Samfylkingarinnar, hafði spurt Bjarna út í stöðu fjármálaáætlunar ríkisstjórnarinnar, en hún á að klárast fyrir þinglok.