Hér er ljósmynd, tekin í dag, á eiginlega skilið að verða klassík í íslenskum stjórnmálum. Sýnir átakalínur nokkuð vel. Þetta er á fundi sem Ögmundur Jónasson, fyrrverandi þingmaður VG, boðaði til í Safnahúsinu í dag í mótmælaskyni við þriðja orkupakkann.
Ögmundur er ekki á myndinni, en þarna má sjá fyrrverandi flokksbróður hans, Jón Bjarnason, sem fór á sínum tíma í sérframboð eftir að hafa yfirgefið VG. Þvínæst eru Karl Gauti Hjaltason og Ólafur Ísleifsson, fyrrverandi þingmenn Flokks fólksins, núverandi þingmenn Miðflokksins, svo er það Guðni Ágústsson, fyrrverandi formaður Framsóknarflokksins, en á bak við glittir í Magnús Þór Hafsteinsson, sem var áður í Frjálslynda flokknum en hefur upp á síðkastið starfað með Flokki fólksins.
Og þar má líka koma auga á Ingu Sæland, formann Flokks fólksins, sem situr bak við sína gömlu félaga Ólaf og Karl Gauta.
Þá sést í Unu Maríu Óskarsdóttur, varaþingmann Miðflokksins, sem er að setjast á þing í stað Gunnars Braga Sveinssonar, en fyrir framan hana er Ragnar Stefánsson sem lengi hefur starfað meðal sósíalista í róttækum stjórnmálum á vinstri væng, en var einn af leiðtogum Æskulýðsfylkingarinnar á sínum tíma.