Ungverska flugfélagið Wizz air ætlar að fljúga daglega á milli Keflavíkur og Luton-flugvallar í Lundúnum í sumar. Áður hafði félagið ætlað að flúga fjórum sinnum í viku á þessari leið en hefur nú fjölgað ferðunum í kjölfar falls WOW air.
Morgunblaðið skýrir frá þessu. Fram kemur að breytingin taki gildi í lok maí og standi til loka október hið minnsta. Wizz air hyggst einnig fjölga ferðum til Varsjár úr fjórum í fimm á viku og tekur sú breyting strax gildi.
