Fréttablaðið skýrir frá þessu í dag. Haft er eftir Berglindi Svavarsdóttur, formanni Lögmannafélagsins, að það hafi ekki haft afskipti af þessum málum.
Þorgils Þorgilsson er einn þessara fjögurra lögmanna og er haft eftir honum að það séu grundvallarréttindi sakaðs manns að ræða við verjanda sinn í trúnaði og ekki megi skerða þann rétt undir því yfirskini að verjandi liggi undir grun. Þorgils fékk stöðu grunaðs manns í hinu svokallaða Bitcoin-máli en hann var grunaður um að hafa aðstoðað skjólstæðing sinni við að flótta úr gæsluvarðhaldi. Hann sagðist telja að lögreglan verði að stíga mjög varlega til jarðar í málum sem þessum.
Haft er eftir Ólafi Þór Haukssyni, héraðssaksóknara, að mál sem þessi séu fátíð og vandmeðfarin. Hjá ákæruvaldinu séu menn mjög meðvitaðir um að fara þurfi varlega í málum sem þessum.
Lögmannafélagið vinnur nú að gerð tillagna um reglur um húsleitir á lögmannsstofum en þær fela í sér að virða þurfi rétt og skyldur lögmanna til trúnaðar við skjólstæðinga sína. Margir lögmenn hafa gagnrýnt víðtæka dómsúrskurði um húsleitir á lögmannsstofum á undanförnum árum og segja að haldlagning á gögnum lögmanna geti stefnt trúnaðarsambandi þeirra við umbjóðendur sína í hættu.