Skúli Mogensen, fyrrverandi eigandi WOW air, fékk lán sín hjá Landsbanka Íslands vegna fjárfestinga í OZ hugbúnaðarfyrirtækinu, afskrifuð sem nemur 514 milljónum króna, á árunum 2003 og 2004.
Stundin greinir frá, en til grundvallar liggja gögn úr Landsbankanum sem innihalda upplýsingar um allar afskriftir bankans á árunum 2003 til 2008.
Fyrst voru 395 milljónir afskrifaðar árið 2003 og 74 milljónir, eftirstöðvarnar, ári síðar.
Á meðan fékk hugbúnaðarfyrirtækið OZ, sem var í eigu Skúla, 45 milljónir afskrifaðar.
Skúli stofnaði flugfélagið WOW air að einhverju leyti með þeim fjármunum sem hann fékk við söluna á OZ. Keypti Skúli OZ af Landsbankanum eftir yfirtöku bankans, afskriftir skulda þess og Skúla persónulega.
Í frétt RÚV frá 2011 var einnig greint frá þessum afskriftum Landsbankans á skuldum Skúla, sem þá voru sagðar 400 milljónir. Þar var greint frá því að ekki hafi komið fram í hvort einhverjar eignir hafi fengist upp í skuld Skúla við Landsbankann.
Skúli seldi Oz til Nokia árið 2008.