Guðlaugur Þór Þórðarson utanríkisráðherra hélt ávarp fyrir hönd Norðurlandanna og Eystrasaltsríkjanna í þróunarnefnd Alþjóðabankans og Alþjóðagjaldeyrissjóðsins laugardaginn 13. apríl. Þar talaði hann um að áhersla yrði lögð á fjölþjóðlegt samstarf í alþjóðaviðskiptum, loftslagsmálum, mannauðsmálum, mannréttinda- og jafnréttismálum.
Hann sagði fjármögnun þróunar mikilvæga, þá sérstaklega með betri skattheimtu þar sem komið yrði í veg fyrir ólöglegt fjármagnsflæði og skattundanskot. Þar að auki talaði Guðlaugur um skuldastöðu þróunarríkja og hvernig ætti að bregðast við henni.
Guðlaugur talaði sérstaklega um bláa hagkerfið eða hagkerfi hafsins á sérstökum fundi smáríkja þar sem umræðuefnið varðaði loftslagsbreytingar og hvernig best væri að sporna við henni. Hann sagði Ísland leggja áherslu á málefni hafsins í víðu samhengi og þar mætti nefna verndun sjávar og sjálfbæra nýtingu auðlinda hafsins.
Sjá nánar á vef Stjórnarráðs Íslands