Morgunblaðið skýrir frá þessu. Fram kemur að nota hafi átt peningana til að standa undir launagreiðslum marsmánaðar. En fyrirtækið fékk peningana ekki áður en það fór í gjaldþrot því greiðslan barst ekki fyrr en um síðustu mánaðarmót, nokkrum sólarhringum eftir að félagið var tekið til gjaldþrotaskipta. Greiðslan rann því inn í þrotabúið.
Losunarheimildir sem þessar hafa hækkað mjög í verði á undanförnum árum en þær ganga kaupum og sölum. WOW air fékk losunarheimildir án endurgjalds. Hver losunarheimild, sem jafngildir einu tonni af koltvísýringi, seldist á um 13 evrur fyrir ári síðan en nú er verðið um 24 evrur. WOW air hafði fengið 150.000 slíkum einingum úthlutað fyrir árið í ár.