Margir hafa hneykslast á forsíðu Fréttablaðsins í dag, fundist hún ósmekkleg og illa vegið að WOW og starfsfólki sem þar missir vinnuna. Það er líka ljóst að almennt er samúð með Skúla Mogensen.
Maður hefur heyrt þetta víða – var meira að segja til umræðu í heita pottinum í sundlauginni áðan og allir virtust vera sammála.
En þetta minnir á aðra fræga forsíðu. Hún er frá því í júní 1985 og þótti á sínum tíma fjarskalega ósmekkleg. Vakti gremju. En þar var líka upphafið á máli sem skók samfélagið í mörg misseri.