Fjármálaáætlun fyrir árin 2020-2024 var kynnt í fjármála- og efnahagsráðuneytinu í dag. Samkvæmt upplýsingum af vef Stjórnarráðsins endurspeglar áætlunin sterka stöðu og festu í stjórn opinberra fjármála í hægari takti hagkerfisins.
Vonast er eftir að áætlunin vegi þungt í því verkefni ríkisstjórnarinnar að viðhalda efnahagslegum stöðugleika og hagsæld.
Gert er ráð fyrir að skattlagning á heimili og fyrirtæki lækki sem og skuldastaða ríkissjóðs. Til stendur að stofna svo kallaða Þjóðarsjóði til að mæta hugsanlegum fjárhagsáföllum.
Umtalsverðum fjármunum verður varið í að stuðla að samkomulagi um kjarasamninga á vinnumarkaði og aukið við fjárfestingar hins opinbera.
Fjögurra milljarða viðbótaraukningu verður varið til samgönguframkvæmda.
Á vef Stjórnarráðs segir :
„Launahækkanir sem orðið hafa á hagvaxtartímabilinu sem nú hefur varað samfellt frá árinu 2011 hafa skilað heimilum meiri kjarabótum en nokkru sinni fyrr. Þær hafa á hinn bóginn leitt til hækkunar launakostnaðar langt umfram það sem raunin hefur verið í helstu viðskiptalöndum Íslands og þar með skert verulega samkeppnisstöðu íslenskra fyrirtækja.“
Einnig er vikið að því að almennar launahækkanir muni leiða til verðbólgu og aukins atvinnuleysis. Ríkisstjórnin stefnir að auknum stuðningi við byggingu húsnæðis fyrir lágtekjufólk og fyrstu kaupendur.
„Einnig felast lífskjarabætur í hækkun fæðingarorlofsgreiðslna og lengingu fæðingarorlofs sem ríkisstjórnin stefnir á að taki gildi á kjörtímabilinu.“
Framlög til vegaframkvæmda
Nýsköpun, rannsóknir og þekkingargreinar
Heilbrigðis-, félags-, húsnæðis- og tryggingamál eru umfangsmest í rekstri ríkisins. Af hverjum 10 krónum fara 6 til velferðarmála