Íslensk-palestínski rithöfundurinn Mazen Maarouf hefur verið tilnefndur til alþjóðlegu Man Booker-verðlaunanna. Þetta eru einhver virtustu og áhrifamestu bókmenntaverðlaun heims.
Mazen er tilnefndur fyrir bókina Brandarar handa byssumönnum, en hún kom nýlega út hjá Forlaginu í þýðingu Ugga Jónssonar. Bókin hefur verið þýdd á mörg tungumál og Mazen er gefinn út af virtum bókaforlögum eins og Granta í Bretlandi og Flammarion í Frakklandi.
Mazen Maarouf var einmitt í viðtali í Kiljunni fyrir viku þar sem hann ræddi um líf sitt, æsku sína, rithöfundastörf og breytingarnar sem hafa orðið á högum hans síðan hann varð íslenskur ríkisborgari.
Hér, á vef Guardian, má sjá listann yfir bækurnar sem eru tilnefndar til alþjóðlegu Booker-verðlaunanna þetta árið, þær eru þrettán talsins.
Hér má svo horfa á Kiljuviðtalið við Mazen.