Fylgi Miðflokksins og Viðreisnar er nánast jafnt í nýjum Þjóðarpúlsi Gallup en Viðreisn fer upp um 2 prósentustig frá síðustu könnun. Viðreisn er með 12,2% og Miðflokkurinn með 12,1%.
Sjálfstæðisflokkurinn lækkar um tvö prósentustig frá síðustu könnun og er með tæp 22%. Fylgi annarra flokka er eftirfarandi:
Samfylkingin 13,7%
Píratar 12,7%
Vinstri græn 12,0%
Framsóknarflokkurinn 8,5%
Flokkur fólksins 3,7%
Sósíalistaflokkur Íslands 3,2%
Athygli vekur að lítill munur er á fylgi Flokks fólksins og Sósíalistaflokksins en hvorugur flokkurinn næði manni á þing ef þetta yrði niðurstaðan í kosningum.
Nær helmingur segist styðja ríkisstjórnina, eða 48,1%.