Bergþór Ólafsson, Klaustursmaður og þingmaður Miðflokksins segist aðallega hafa tekið mark á skömmum frá móður sinni varðandi Klaustursmálið. Þetta kemur fram í andvarsbréfi Bergþórs til forsætisnefndar.

„Sjálfur tók ég við þeim skömmum sem ég tek mest mark á vegna málsins frá móður minni fyrir tæpum 8 mánuðum síðan.

Bergþór telur refsinguna sem hann og hinir sem töluðu á Klaustri vera „margfallt verri“ en það sem ætlast væri til af siðuðu samfélagi, en Bergþór segir fjölskyldu sína einnig finna fyrir þessari refsingu sinni.

„Sú opinbera smánunarherferð sem keyrð hefur verið áfram er refsing sem er margfalt verri fyrir þá sem í lenda, en hinar hefðbundnu refsingar sem siðuð samfélög telja forsvaranlegar. Það eru ekki bara stjórnmálamennirnir sjálfir sem verða fyrir, heldur fjölskyldan og nærumhverfið.“

Einnig spyr Bergþór siðanefnd hvort að einungis konur geti orðið fyrir kynferðislegu áreiti.

„Hvernig kemst siðanefnd að þeirri niðurstöðu að óhefluð og gagnrýniverð ummæli mín um Ingu Sæland séu af sömu rót sprottin og frásögn mín af því þegar ég varð fyrir kynferðislegu áreiti? Eru það að mati siðanefndar bara konur sem geta orðið fyrir kynferðislegu áreiti?“

Bergþór líkur andsvari sínu á því að segja „aðgát skal höfð í nærveru sálar.“ vegna þess hvernig honum finnst að sér og öðru klaustursfólki sótt, en sumum gæti þótt þessi fræga setning eiga furðulega við sem vörn í Klaustursmálinu.