fbpx
Mánudagur 19.ágúst 2019  |
Eyjan

Segir Málfrelsissjóðinn stofnaðan í kringum fólk sem sjálft stundi hatursorðræðu: „Er ekki einhver kaldhæðni í því?“

Ritstjórn Eyjunnar
Mánudaginn 22. júlí 2019 14:11

Brynjar Níelsson

Ekki missa af Helstu tíðindum dagsins í pósthólfið þitt

Lesa nánar

Brynjar Níelsson, þingmaður Sjálfstæðisflokksins, gagnrýnir stofnun Málfrelsissjóðsins sem nýlega var settur á laggirnar, en það voru þær Anna Lotta Michaelsdóttir, Elísabet Ýr Atladóttir, Helga Þórey Jónsdóttir og Sóley Tómasdóttir sem það gerðu, til að standa við bakið á þeim konum sem dæmdar hafa verið til ærumeiðingar vegna baráttu sinnar gegn kynbundnu ofbeldi.

Sjá nánar: Nýstofnaður Málfrelsissjóður hluti af stærri byltingu:„Versti óvinur þolenda er þögnin“

Kaldhæðni

Brynjar segir að sjóðurinn sé stofnaður í kringum fólk sem sjálft stundi hatursorðræðu:

„Er ekki einhver kaldhæðni í því, að kringum fólk sem stundar orðræðu sem byggist á raunverulegu hatri, er stofnaður málfrelsissjóður til að greiða þeim bætur sem níðst er á?“

Þá rifjar Brynjar upp hvað gert hafi verið við þá sem stunduðu hatursorðræðu í kommúnistalöndum kalda stríðsins:

„Hatursorðræða er vinsælt orð hjá þeim sem vilja losna við gagnrýni og andstæðar skoðanir. Sumir halda að þetta hatursorðræðutal sé tiltölulega nýtt af nálinni en svo er ekki. Gamli Þjóðviljinn og önnur blöð og tímarit, sem vörðu Ráðstjórnarríkin og önnur sósíölsk ríki úti í eitt, notuðu þetta hugtak yfir alla gagnrýni á hugmyndafræðina og stjórnvöld í ríkjunum. Í Þjóðviljanum þótti gagnrýni á byggingu Berlínarmúrsins sérstaklega mikil hatursumræða gagnvart þjóð sem var að verja landamæri sín.

Misjafnt var hvernig þessi ríki brugðust við hatursorðræðu eigin borgara. Í gömlu Sovétríkjunum var algengast að vista hatursorðræðumanninn á geðsjúkrahúsi og í verstu tilvikunum voru þeir sendir í Gúlagið. Í Austur-Þýskalandi var mest notuð útskúfunaraðferðin þannig að viðkomandi missti vinnuna og gat hvorki fengið húsnæði né Trabant. Í Suður-Ameríku var hatursorðræðumaðurinn skotinn á færi og stórtækastur í þeim efnum var Che Guevara, sem enn er í miklu uppáhaldi hjá vinstri róttæklingum.“

Bára í stað Stasi

Brynjar nefnir sérstaklega Báru Halldórsdóttur, sem tók upp Klausturssamræðurnar í fyrra, sem dæmi um að ekki þurfi lengur leyniþjónustur á borð við Stasi til að greina hatursorðræðu:

„Í hinum svokölluðu vestrænu lýðræðisríkjum, sem eru umfram allt annað upptekin af tjáningarfrelsinu, hafa menn tekið upp austur þýsku útskúfunar aðferðina í glímunni við hatursorðræðu auk vægra skilorðsbundinna fangelsisrefsinga þegar mikið liggur við. Nú þarf ekki lengur Stasi til að upplýsa hatursglæpina – netið og Bárur þessa lands sjá um það.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Er Framsókn að gefa eftir? – Óvænt útspil ritara flokksins

Er Framsókn að gefa eftir? – Óvænt útspil ritara flokksins
Eyjan
Fyrir 3 dögum

Gunnar Smári ósáttur: Tveir menn eiga ekki að kosta borgarbúa 75 milljónir króna á ári

Gunnar Smári ósáttur: Tveir menn eiga ekki að kosta borgarbúa 75 milljónir króna á ári
Eyjan
Fyrir 4 dögum

Allir í starfshópnum búsettir á höfuðborgarsvæðinu

Allir í starfshópnum búsettir á höfuðborgarsvæðinu
Eyjan
Fyrir 4 dögum

Arnþrúður gagnrýnir aðgerðarleysi stjórnvalda – „Fyr­ir neðan all­ar hell­ur“

Arnþrúður gagnrýnir aðgerðarleysi stjórnvalda – „Fyr­ir neðan all­ar hell­ur“
Eyjan
Fyrir 5 dögum

Davíð Oddsson gáttaður á Bjarna Ben – „Skaðlegt þegar meiri­hluti kjós­enda tel­ur að full­trú­ar sín­ir taki ekki leng­ur til­lit til skoðana sinna“

Davíð Oddsson gáttaður á Bjarna Ben – „Skaðlegt þegar meiri­hluti kjós­enda tel­ur að full­trú­ar sín­ir taki ekki leng­ur til­lit til skoðana sinna“
Eyjan
Fyrir 5 dögum

Sigurjón segir Jóhannes Þór vera í skítadjobbi: „Hann hefur engu gleymt“

Sigurjón segir Jóhannes Þór vera í skítadjobbi: „Hann hefur engu gleymt“
Eyjan
Fyrir 6 dögum

Svört skýrsla ASÍ: Brotastarfsemi og jaðarsetning á íslenskum vinnumarkaði að aukast

Svört skýrsla ASÍ: Brotastarfsemi og jaðarsetning á íslenskum vinnumarkaði að aukast
Eyjan
Fyrir 6 dögum

Guðfinna les yfir Guðmundi: „Nú er mér alvara“ – Enginn veit hvað átt hefur fyrr en misst hefur

Guðfinna les yfir Guðmundi: „Nú er mér alvara“ – Enginn veit hvað átt hefur fyrr en misst hefur