Bjarni Benediktsson segir að ekki verði gripið til sérstakra aðgerða hjá Sjálfstæðismönnum vegna lakrar útkomu flokksins í skoðanakönnun sem birt var fyrir helgi. Þar er Sjálfstæðisflokkurinn með 19 prósenta fylgi. Þetta kemur fram í viðtali Bjarna við Morgunblaðið. Bjarni minnir jafnframt á að flokkurinn sé oftast hærri í kosningum en skoðanakönnunum.
Bjarni viðurkennir að orkupakkamálið reynist flokknum erfitt og segir:
„Mér finnst að við höfum ekki náð nægilega vel í gegn með okkar málstað. Það mál hefur reynst okkur erfitt og þingið hefur beinlínis verið tekið í gíslingu vegna þess máls, sem varpar skugga á önnur góð verk ríkisstjórnarinnar. Við lítum á það sem eitt okkar helsta hlutverk að bæta lífskjör í landinu, og það hefur gengið frábærlega. Við höfum verið að vinna að mörgum langtímamálum sem hafa sömuleiðis gengið mjög vel. Það eru fá dæmi í sögunni um um jafn mikla lífskjarasókn og er núna,“
Bjarni segir jafnframt að orkupakkamálið hafi varpað skugga á góð verk flokksins í ríkisstjórn.