fbpx
Sunnudagur 25.ágúst 2019  |

Tekjublað 2019  Sjá allt

Eyjan

Trygging Isavia flogin á brott: „Málinu er þó ekki lokið og verður rekið fyrir dómstólum“

Ritstjórn Eyjunnar
Föstudaginn 19. júlí 2019 12:13

Ekki missa af Helstu tíðindum dagsins í pósthólfið þitt

Lesa nánar

Airbusvél sem kyrrsett var hér á landi vegna skulda WOW air við Isavia, en er í eigu bandaríska leigufélagsins ALC, flaug af landi brott í morgun í kjölfar dómsúrskurðar. Hefur ALC reynt að fá vélina til sín síðan í mars, en Isavia kyrrsetti hana vegna heildarskuldar WOW við Isavia, sem nam um tveimur milljörðum og tengdist öðrum vélum einnig. Mætti því ætla að Isavia hafi lítið í höndunum til að halda málarekstri sínum áfram, en það er öðru nær.

Isavia hyggst ekki leggja árar í bát, samkvæmt Guðjóni Helgasyni, upplýsingafulltrúa Isavia, sem sagði við Eyjuna í morgun að málið yrði áfram rekið fyrir dómstólum:

„Niðurstaða dómarans við Héraðsdóm Reykjaness í máli ALC er með öðrum hætti en aðrir dómar sem fallið hafa um sambærileg mál bæði hérlendis og erlendis og því hefur Isavia skotið málinu til Landsréttar til að fá niðurstöðu fjölskipaðs dómsvalds. Það var einnig niðurstaða dómarans að ekki væri heimild til frestun réttaráhrifanna og því er flugvél ALC farin af landi brott og þar með þær tryggingar sem í henni fólust. Málinu er þó ekki lokið og verður rekið fyrir dómstólum.“

Báðir aðilar sækja rétt sinn

Héraðsdómur Reykjaness úrskurðaði í fyrradag að ALC bæri að fá vélina aftur, en ALC hafði þegar greitt um 87 milljónir króna vegna skuldar, samkvæmt dómsúrskurði, en þurfti ekki að greiða heildarskuld WOW air við Isavia, enda sú skuld tilkomin vegna annarra véla einnig.

ALC ætlar hinsvegar að halda málinu til streitu og sækjast eftir skaðabótum frá Isavia, þar sem vélin hafi ekki getað aflað félagi sínu tekna meðan á kyrrsetningunni stóð, en samkvæmt Oddi Ástráðssyni, lögmanni ALC, er sú upphæð talin vera mun hærri en skuld WOW við Isavia vegna þotunnar eða nálægt 200 milljónum.

Þarfnist skýringa við

Samkvæmt Guðjóni þarf enn skýringu á því hvernig túlka eigi 136. grein laga um loftferðir, sem tilgreina að heimilt sé að aftra för loftars af flugvelli, þangað til gjöld séu greidd:

[[Samgöngustofu] 1) [og þeim sem starfrækir flugvöll eða flugleiðsöguþjónustu] 2) er heimilt að aftra för loftfars af flugvelli uns gjöld eru greidd eða trygging sett fyrir greiðslu vegna þess loftfars sem í hlut á eða annarrar starfsemi hlutaðeigandi eiganda eða umráðanda loftfarsins. [Rekstraraðili flugvallar skal verða við beiðni Umhverfisstofnunar um að aftra för loftfars uns lögmælt gjöld vegna losunar gróðurhúsalofttegunda, er varða viðkomandi loftfar, eru greidd eða trygging sett fyrir greiðslu þeirra.]

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin
Eyjan
Fyrir 2 dögum

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“