fbpx
Sunnudagur 25.ágúst 2019  |

Tekjublað 2019  Sjá allt

Eyjan

Misjafnlega sveigjanlegt menntakerfi

Egill Helgason
Föstudaginn 19. júlí 2019 05:12

Ekki missa af Helstu tíðindum dagsins í pósthólfið þitt

Lesa nánar

Grískur strákur, vinur Kára, sagði okkur í gær að hann hefði náð að komast inn í læknisfræði í háskólanum í Aþenu. Þetta eru fagnaðarfréttir. En honum hefur tekist þetta með mikilli vinnu, námi að sumarlagi og svo með því að fá háar einkunnir á prófum þar sem er mikil samkeppni.

Próf ráða því í hvaða fög nemendur geta skráð sig og þau ráða því líka í hvaða háskóla þau geta farið. Þetta á ekki einungis við um læknisfræðina. Annar vinur Kára stóð sig ekki eins vel, hann er að fara að læra tannlækningar í háskólanum í Cluj í Rúmeníu.

Bandarískir vinir okkar sem eiga unglinga eru sífellt að tala um háskólana sem þeir geti komist í. Þeir leita til sérstakra ráðgjafa um skólavist. Í Bandaríkjunum kostar háskólanámið helling – og það er keppni um að komast í bestu skólana. Það er nauðsynlegt að taka góð próf, en svo er reyndar líka sagt að í kerfinu sé spilling og sums staðar hægt að borga sig framhjá aðgangstakmörkunum. En við höfum setið með vinum okkar í boðum vestra þar sem er ekki talað um neitt annað kvöldin löng.

Háskólanámið hefst við 18-19 ára aldur. Eftir að hefur verið valið er ekki mikið svigrúm til að skipta og heldur ekki til að draga námið á langinn.

Þetta er nokkuð annað er hér á Íslandi. Í dag má lesa frétt á mbl.is þar sem segir frá miklu brottfalli námsmanna á Íslandi úr framhalds- og háskólanámi. Sagt er að ein höfuðskýringin sé sveigjanlegt námskerfi. Það er auðvelt að hætta, ætla svo að koma aftur, klára seinna – klára á löngum tíma.

Þetta er auðvitað ekki að öllu leyti neikvætt. Kerfin sem ég vitna í hér að ofan eru kannski of stíf. En lausatökin á Íslandi eru líklega full mikil.

Reyndar er annað sem er nefnt í greininni sem er mikið umhugsunarefni – það er hin alltof mikla áhersla sem við Íslendingar leggjum á bóknám í stað verknáms. Hlutfallið sem nefnt er í greininni er eiginlega alveg fáránlegt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin
Eyjan
Fyrir 2 dögum

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“