fbpx
Sunnudagur 25.ágúst 2019  |

Tekjublað 2019  Sjá allt

Eyjan

Bókin um Vigdísi Finnbogadóttur væntanleg í haust

Ritstjórn Eyjunnar
Fimmtudaginn 18. júlí 2019 14:58

Rán Flygenring og Vigdís skoða bókina. Mynd-Angústúra.

Ekki missa af Helstu tíðindum dagsins í pósthólfið þitt

Lesa nánar

Rán Flygenring er höfundur nýrrar myndabókar um Vigdísi Finnbogadóttur, er ber nafnið Bókin um Vigdísi Finnbogadóttur,  sem var forseti Íslands frá 1980-1996 og fyrsti lýðræðiskjörni kvenforsetinn í heiminum. Það er Angústúra forlag sem gefur bókina út, en Rán teiknar sjálf allar myndir í bókinni ásamt því að semja handritið, en Vigdís fékk að sjá afraksturinn í fyrsta skipti í gær:

„Við erum búnar að hittast nokkrum sinnum, ásamt Ástríði dóttur hennar og ég heimsótti þær síðan í gær og sýndi þeim handritið í fyrsta skipti. Það var mjög skemmtilegt, Vigdís var ánægð og þá varð ég ánægð,“

segir Rán.

Heil kynslóð sem kynnast þarf Vigdísi

Hugmyndina að bókinni eiga þær Edda Hafsteinsdóttir og Marín Þórsdóttir og var Rán falið verkefnið í kjölfarið:

„Það eru nú 23 ár síðan Vigdís lét af embætti og upp er komin heil kynslóð sem naut hennar ekki við í uppeldi sínu og jafnvel þekkir lítið sem ekkert til hennar eða þess sem hún stendur fyrir. Bókin fjallar um unga stúlku sem heimsækir Vigdísi, sem síðan í samtali rifjar upp æsku sína, aðdragandann að forsetakjörinu sem og forsetatíð sína og inniheldur mikið af smáatriðum og upplýsingum sem hægt er að sökkva sér ofan í,“

segir Rán, en bókin er 32 síður og styðst að nokkru leyti við ævisögu Vigdísar sem Páll Valsson ritaði árið 2009, Vigdís-Kona verður forseti.

Rán segir að Vigdís hafi verið ánægð með afraksturinn:

„Hún kom með ábendingar um breytt orðalag í beinum tilvitnunum, að hún hefði orðað sumt öðruvísi, en annars fannst henni þetta bara dásamlegt og hló mikið.“

Bókin kemur út í haust.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin
Eyjan
Fyrir 2 dögum

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“