Baldvin Jónsson, tengdafaðir Bjarna Benediktssonar formanns Sjálfstæðisflokksins, furðar sig á þeim sem kynda undir þeirri umræðu að Bjarni sé að hætta sem formaður flokksins í haust. Orðrétt segir Baldvin í Facebook færslu í gærkvöldi:

„Nafnlaust fólk fjallar um að stjórnmálamaður sé að hætta störfum. Svo er reynt að ala á allskyns tortryggni í garð viðkomandi, allt meira og minna byggt á dylgjum sem ill mögulegt er að stöðva enda svomikið bull á ferðinni. Svo er efnt til skoðanakannanna þar sem spurt er hvort fólk telji að viðkomandi sé að hætta í stjórnmálum? Viðkomandi kannast ekki við það en samt heldur fólk áfram með sora, dylgjur og ómerkilegheit. Er ekki í lagi með okkur þessa annars ágætu Þjóð? Eða er hún það ekki svona upp til hópa?“

Yfirlýsing Baldvins er í samræmi við þær upplýsingar sem DV hefur fengið. Ekkert bendi til þess að Bjarni Benediktsson ætli að láta af embætti sem formaður Sjálfstæðisflokksins á næstunni. Hvað gerist á landsfundi flokksins á næsta ári er kannski annað mál. Heimildamenn DV benda líka á að stjórnarsamstarfið hafi gengið mjög vel og að það sé „mjög sterkt lím“ á milli formanna flokkanna. Þannig sé áhugi á áframhaldandi samstarfi, nái flokkarnir nauðsynlegu fylgi í næstu kosningum.

Sjá einnig: Bjarni Benediktsson sagður ætla að hætta í stjórnmálum í haust

Sjá einnig: Bjarni Ben:„Það er enn margt sem mig langar til að koma í framkvæmd“