fbpx
Sunnudagur 25.ágúst 2019  |

Tekjublað 2019  Sjá allt

Eyjan

Rannveig Tenchi um Pírata: „Það er bara svo mikið einelti í flokknum“

Ágúst Borgþór Sverrisson
Miðvikudaginn 17. júlí 2019 18:10

Rannveig Tenchi

Ekki missa af Helstu tíðindum dagsins í pósthólfið þitt

Lesa nánar

Rannveig Tenchi, varaborgarfulltrúi Pírata, segir í viðtali við DV að vond samskipti og einelti séu helsta vandamál flokksins. Það sem blasti við almenningi í upptöku af átakafundi Pírata á mánudagskvöld sé birtingarmynd vanda sem lengi hafi blasað við.

„Síðast haust fór ég hörðum orðum um ástandið í flokknum og ég upplifi ástandið í dag sem afleiðingu af því að þá voru vandamálin ekki tækluð,“ segir Rannveig. Hún er ekki virk í starfi flokksins lengur þó að hún sitji fyrir hönd hans í borgarstjórn:

„Ég endaði á því að gefast upp á ástandinu. Tók ákvörðun um að ég ætlaði að klára kjörtímabilið í borginni en að öðru leyti tek ég ekki þátt í einu né neinum hjá Pírötum.“ Rannveig segir að margt þurfi að breytast til að hún verði ennþá Pírati eftir næstu borgarstjórnarkosningar.

„Það er ljóst að á þessum fundi var fullt af óuppgerðum hlutum gagnvart Birgittu og öðrum en ég held að uppsetningin á fundinum hafi ekki verið góð og það hafi ekki verið gott að koma félagsmönnum í þessa stöðu.“ Með þessu á Rannveig við að það hafi ekki verið rétt af meirihluta framkvæmdaráðs að tilnefna Birgittu til kjörs í trúnaðarráð Pírata. Hún tapaði síðan þeirra kosningu með miklum mun meðal félagsmanna.

Rannveig er í hópi þeirra sem telur Birgittu ekki heppilegan kost í trúnaðarráð flokksins en það þýði ekki að hún eigi ekki heima í öðru starfi hans. Tekur hún þar undir orð Halldóru Mogensen, þingmanns og varaþingflokksformanns Pírata, sem hefur lýst yfir sömu skoðun. Segir Hallóra af og frá að þingflokkur Pírata vilji losna við Birgittu þó að trúnaðarráðið sé ekki heppilegasti staðurinn fyrir hana.

Rannveig segir hins vegar fráleitt að ásaka Birgittu fyrir að hafa ekki stutt flokkinn í borgarstjórnakosningunum en hún hefur verið gagnrýnd hart fyrir það af mörgum Pírötum, meðal annars í umræðum á samfélagsmiðlum.

„Birgitta og hvaða Pírati sem er má kjósa það sem hann vill. Það á að vera eitt af megineinkennum Pírata að við höfum alls konar skoðanir og megum skipta um skoðun. Við eigum bara að kjósa eftir sannfæringu. Mér fannst auðvitað svekkjandi að hún vildi ekki kjósa okkur í borgarstjórnarkosningunum en ég fer ekki að erfa við hana hver hennar sannfæring er.“

Rannveig segir Birgittu hafa verið mikinn drifkraft í pólitísku starfi og framlag hennar til stofnunar Borgarahreyfingarinnar og Píratapartýisins sé ómetanlegt.

Vandamálin eru andlegt ofbeldi og einelti

Það er nokkuð athyglisvert að þó að Rannveig telji ástandið í Pírötum svo slæmt að hún geti ekki starfað þar þá snúist vandinn ekki um stefnumál eða einu sinni pólitík yfirleitt, heldur erfið samskipti og beinlínis vonda framkomu. Í raun andlegt ofbeldi.

„Það er bara svo mikið einelti í flokknum. Samskiptin eru virkilega rotin. Ég er ekki bara að tala um baktal, ég kippi mér ekki upp við það og það er í öllum flokknum,“ segir Rannveig sem telur að margir einstaklingar í Pírötum gangi allt of hart fram í árásum á flokkssystkini sín.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin
Eyjan
Fyrir 2 dögum

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“