Hlutabréf í Kviku banka og Icelandair hækkuðu talsvert við opnum markaða í morgun.
Bréf Kviku hækkuðu um 3,2%. Ný drög að uppgjöri samstæðu Kviku vegna fyrsta árshelmings 2019 liggja fyrir. Samkvæmt þeim lítur út fyrir að hagnaður samstæðunnar á fyrri árshelmingi verði 1.620-1.670 milljónir króna fyrir skatta. Uppfærð afkomuspá Kviku fyrir árið 2019, sem birt var samhliða birtingu uppgjörs 1. fjórðungs 2019 í maí sl., gerði ráð fyrir 2.700 milljóna króna hagnaði fyrir skatta. Samkvæmt upphaflegri áætlun ársins var hagnaður ársins 1.990 milljónir króna fyrir skatta.
Hlutabréf Icelandair hækkuðu um 2,71%, en bréf félagsins lækkuðu talsvert í síðustu viku eftir að fréttir bárust um möguleg tvö ný lággjaldaflugfélög, auk sem sögusagnir voru á kreiki um að Emirates félagið væri mögulega að hefja flug hingað til lands. Síðar var sú saga borin til baka.
