fbpx
Þriðjudagur 23.júlí 2019  |
Eyjan

Ólíklegt að íslenskir bankar fjármagni nýtt flugfélag

Karl Garðarsson
Fimmtudaginn 11. júlí 2019 13:57

Ekki missa af Helstu tíðindum dagsins í pósthólfið þitt

Lesa nánar

Heimildamenn DV í fluggeiranum telja ólíklegt að íslenskir bankar séu tilbúnir að fjármagna nýtt flugfélag, en hugmyndir eru uppi um að stofna nýtt lággjaldaflugfélag sem gengur undir nafninu WAB Air. Írskur fjárfestingasjóður er tilbúinn til að koma inn með fimm milljarða króna framlag, en aðeins ef íslenskir bankar leggja til fjóra milljarða til viðbótar. Bankarnir eru hins vegar varkárir þegar kemur að flugrekstri og því líklegt að forsvarsmenn félagsins þurfi að leita á önnur mið eftir framlagi.

Talið er að flugrekstrarleyfið verði ekki vandamál þar sem þekking á öflun þess sé góð hjá forsvarsmönnum WAB Air. Hins vegar þurfi þeir væntanlega að leggja fram strax um 1,5 milljónir dala, jafnvirði um 200 milljóna króna, fyrir hverja hinna sex flugvéla sem þeir ætli að leigja. Það eru um 1200 milljónir króna. Þá þurfi þeir væntanlega að staðgreiða olíu og lendingagjöld, auk þess sem kortafyrirtæki halda gjarnan eftir kortagreiðslum sem tryggingu. Þá má ekki gleyma því að þjálfa þarf upp her starfsfólks og þar er lítill tími til stefnu, eigi áætlanir félagsins að ganga eftir.

Heimildamaður DV sagði að hugmyndir WAB air væru „ekki trúverðugar“ nema til kæmu öflugir fjárfestar til viðbótar, og þar þyrfti helst að líta til útlanda. Þá geti líka verið erfitt að leigja flugvélar með skömmum fyrirvara, ekki síst vegna þess að búið er að kyrrsetja Boeing Max vélarnar og óvíst hvenær þær fara í loftið aftur. Því séu ekki margar vélar á lausu. Loks er bent á að haustið sé ekki besti tíminn til að hefja flugrekstur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Tannlaus prins
Eyjan
Í gær

Styrmir vill að Sjálfstæðismenn safni undirskriftum gegn Orkupakka 3

Styrmir vill að Sjálfstæðismenn safni undirskriftum gegn Orkupakka 3
Eyjan
Í gær

Katrín útilokar ekki að setja lagningu sæstrengs í þjóðaratkvæðagreiðslu

Katrín útilokar ekki að setja lagningu sæstrengs í þjóðaratkvæðagreiðslu
Eyjan
Fyrir 3 dögum

Starfsmenn Reykjavíkurborgar fá 105 þúsund króna eingreiðslu

Starfsmenn Reykjavíkurborgar fá 105 þúsund króna eingreiðslu
Eyjan
Fyrir 3 dögum

Kristján Þór ráðstafar 31 þúsund tonnum – Vill endurskoða núgildandi kerfi

Kristján Þór ráðstafar 31 þúsund tonnum – Vill endurskoða núgildandi kerfi