Stefán Ólafsson, prófessor í félagsfræði, segir á Facebook-síðu sinni að það sé nú ljóst að Sjálfstæðismenn ætli sér að hirða þá banka sem sé í eign ríkisins. Hann vísar til ummæla Lárusar Blöndal, formanns stjórnar Bankasýslu ríkisins, sem sagði í viðtali við Morgunblaðið í dag að hluti ríkisins í bönkum væri söluvænlegri nú en áður.

„Sjálfstæðismenn ætla að hirða bankana – strax á þessu og næsta ári. Þarna liggur það skýrlega fyrir. Hundruð milljarða af arðgreiðslum sem hafa runnið í ríkissjóð á undanförnum árum renna þá til auðmanna og braskara. Verður það betra fyrir þjóðina? Muna menn reynsluna af einkavæðingu bankanna síðast sem endaði með hruninu?,“ spyr Stefán.