Kolbrún Baldursdóttir, borgarfulltrúi Flokks fólksins, segir í færslu sem hún birtir innan Facebook-hóps flokksins að margir eldri ökumenn séu dauðhræddir við að nota bílastæðahús. Hún segir það vinkil sem aldrei sé skoðaður í samhengi við fjölgun slíkra húsa.
„Margir eldri ökumenn og ungir líka eru dauðhræddir við að fara inn í bílastæðahús. Reykjavík rekur 7 bílastæðahús. Það er margir hræddir við að fara inn í bílastæðahúsin og má nefna eldri borgara en einnig fleiri úr hinum ýmsu aldurshópum,“ segir Kolbrún.
Ástæðan fyrir þessu er að hennar sögn meðal annars slæmt aðgengi. „Aðkoma og aðgengi að bílastæðahúsum er víða slæmt. Inn í þeim er einnig oft þröngt og fólk hrædd við að reka bílinn sinn í. Margir eldri borgarar, fatlaðir og einnig ungir ökumenn treysta sér ekki í þau, auk þess sem aðkoma sumra þeirra er ekki mjög sýnileg. Stærsti vandinn er hins vegar sá að mjög mörgum finnst greiðslumátinn flókinn. Fólk óttast oft einnig að lokast inni með bíl sinn t.d. þar sem enginn umsjón er á svæðinu eins og oft er á kvöldin,“ segir Kolbrún.
Hún þetta aldrei rætt. „Borgarmeirihlutinn hefur aldrei rætt þessa hlið í tengslum við bílastæðahúsin. Þegar sagt sé að nóg sé af bílastæðum í bænum þá er þessi vinkill aldrei skoðaður nú þegar allt kapp er lagt á að loka fyrir umferð bíla á stóru svæði eða fækka bílastæðum á götum,“ segir Kolbrún.
Kolbrún telur að strætó geti ekki komið í staðinn. „Nú liggur fyrir að stækka á gjaldsvæðið í bænum og hækka bílatæðagjald sem og hefja gjaldtöku á sunnudögum. Þetta er alls ekki tímabært því langt er í land að almenningssamgöngur geti verið fýsilegur kostur. Sumar leiðir strætó ganga ekki einu sinni á sunnudögum. Þær leiðir sem ekki keyra um helgar eru 31, 17, 33 og 34. Akstur hefst kl. 9:30 og á nokkrum leiðum er farinn einum hring minna á kvöldin en á öðrum dögum,“ segir Kolbrún.