fbpx
Þriðjudagur 23.júlí 2019  |
Eyjan

Gjörbylting í netverslun hér á landi – Hægt að kaupa vörur frá EES-ríkjum á sama verði og er í boði þar

Kristján Kristjánsson
Mánudaginn 8. júlí 2019 07:54

Úr einu vöruhúsa Amazon netverslunarinnar.

Ekki missa af Helstu tíðindum dagsins í pósthólfið þitt

Lesa nánar

Stefnt er að því að leggja fram frumvarp að nýrri reglugerð á Alþingi næsta vor. Samkvæmt henni verður seljendum vörum og þjónustu á netinu skylt að veita öllum neytendum sama rétt til viðskipta á Evrópska efnahagssvæðinu (EES). En áður en þessar reglur taka gildi þarf að innleiða þær í EES-samninginn. Hjá EFTA er búið að gera drög að ákvörðun sameiginlegu EES-nefndarinnar og er boltinn nú hjá aðildarríkjunum.

Fréttablaðið skýrir frá þessu í dag og hefur eftir Breka Karlssyni, formanni Neytendasamtakanna, að innleiðing fyrrnefndrar reglugerðar verði mikil réttarbót fyrir Íslendinga.

„Þetta þýðir það að hver sem er, sem sendir vörur á milli landa innan evrópska efnahagssvæðisins, verður nú að senda til Íslands.“

Sagði hann og bætti við:

„Þetta er bara frábært fyrir íslenska neytendur því að þá hafa allir á efnahagssvæðinu aðgengi að vörum á sama verði. Þá er ekki hægt að hafa mismunandi verð á mismunandi landsvæðum. Eins og er þá senda ýmsar verslanir í Evrópu ekki vörur til Íslands, eða neita að taka við greiðslum með íslenskum kortum. Sumar af þessum vörum eru seldar hér á landi á hærra verði en eftir þetta þá geta Íslendingar keypt vörur á netinu á sama verði og gengur og gerist í Evrópu.“

Hvað varðar tolla sagði Breki að ekki þurfi að hafa neinar áhyggjur af þeim.

„Þetta er tollabandalag, það er svo einfalt. Póstinum hér heima er nú heimilt að leggja sérstakt gjald á alla pakka sem koma frá útlöndum, það mun þá leggjast ofan á sendingarkostnaðinn. Það eru nokkur hundruð krónur.“

Sagði hann.

Benedikt S. Benediktsson, lögfræðingur, hjá Samtökum verslunar- og þjónustu sagði að rétt væri að hafa í huga að það fylgi því mikill kostnaður að flytja vörur til landsins erlendis frá og neytendur sem flytja vörur inn í litlu magni njóti ekki sama kostnaðarhagræðis og stærri innflytjendur. Það sama eigi við um innlendar netverslanir sem selji vörur til neytenda utanlands. Hann sagði það afstöðu samtakanna að aukið verslunarfrelsi sé af hinu góða og að EES-samningurinn hafi reynst vel.

„Hins vegar munu samtökin gæta þess sérstaklega og krefjast þess af stjórnvöldum að þau gæti þess sérstaklega við innleiðinguna að innlendri verslun verði tryggð sambærileg staða og erlendri verslun enda er það forsenda virkrar samkeppni að þeir sem taka þátt í innri markaðnum búi við sambærilegt umhverfi.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Tannlaus prins
Eyjan
Fyrir 22 klukkutímum

Hallur fær bágt fyrir „skítabombu“ sína um Björn: „Menn geta sem sagt ekki verið kristnir ef þeir styðja orkupakkaræfillinn?“

Hallur fær bágt fyrir „skítabombu“ sína um Björn: „Menn geta sem sagt ekki verið kristnir ef þeir styðja orkupakkaræfillinn?“
Eyjan
Fyrir 23 klukkutímum
Illur púki?
Eyjan
Fyrir 3 dögum

Meirihlutinn segist hafa endurreist verkamannabústaðarkerfið – 807 manns á biðlista og vinstrimenn furðu lostnir

Meirihlutinn segist hafa endurreist verkamannabústaðarkerfið – 807 manns á biðlista og vinstrimenn furðu lostnir
Eyjan
Fyrir 3 dögum

Galli uppgötvast í glænýjum Herjólfi rétt fyrir þjóðhátíð – Þarf að fara í slipp

Galli uppgötvast í glænýjum Herjólfi rétt fyrir þjóðhátíð – Þarf að fara í slipp
Eyjan
Fyrir 3 dögum

Sjálfstæðisflokkur tapar fylgi til Miðflokksins og er í sögulegri lægð – Píratar bæta við eftir Birgittumálið

Sjálfstæðisflokkur tapar fylgi til Miðflokksins og er í sögulegri lægð – Píratar bæta við eftir Birgittumálið
Eyjan
Fyrir 3 dögum

Starfsmenn Reykjavíkurborgar fá 105 þúsund króna eingreiðslu

Starfsmenn Reykjavíkurborgar fá 105 þúsund króna eingreiðslu