fbpx
Miðvikudagur 17.júlí 2019  |
Eyjan

Algjörlega óhæfur til að verða forsætisráðherra

Egill Helgason
Þriðjudaginn 25. júní 2019 09:10

Ekki missa af Helstu tíðindum dagsins í pósthólfið þitt

Lesa nánar

Sir Max Hastings, einn virtasti blaðamaður Bretlands, fyrrverandi ritstjóri The Daily Telegraph og The Evening Standard, skrifar óvenjulega harkalega grein um forsætisráðherraefnið Boris Johnson. Hastings er líka sagnfræðingur og hefur skrifað fjölda bóka, aðallega um heimsstyrjöldina síðari og fleiri styrjaldarátök á 20. öld.

Hastings segist einu sinni hafa verið ritstjóri Boris Johnson, þá var Johnson ungur blaðamaður. Hann telur að Johnson sé algjörlega óhæfur til að verða forsætisráðherra. Hann hugsi um ekkert nema frama sinn, frægð og eigin þarfir. Johnson sé ófær um að koma fram af virðingu, hann sé hugleysingi sem segi fólki það sem það vill heyra, alveg burtséð frá því hvaða afleiðingar það kunni að hafa klukkutíma síðar.

Johnson sé veikur persónuleiki, hann telji sjálfan sig líkjast Winston Churchill (Hastings hefur skrifað bækur um hann), en í rauninni sé hann nær grínþáttafígúrunni Alan Partridge.

Churchill hafi vissulega verið mjög upptekinn af sjálfum sér, en um leið hafi hann haft mikla samlíðan með fólki. Í fari Johnsons beinist allt slíkt að honum sjálfum, segir Hastings.

Johnson ætti í raun að vera í skemmtanaiðnaðinum, segir Hastings. Það gæti hins vegar verið lán hans að eini leiðtogi Verkamannaflokksins sem hann gæti sigrað í kosningum sé Jeremy Corbyn. Corbyn sé heiðarlegri maður, en hann sé haldinn ýmsum ranghugmyndum.

Hastings, sem nota bene er enginn vinstri maður, segir í lok greinarinnar að Íhaldsflokkurinn sé í þá mund að troða smekklausum brandara upp á Breta – og þeim muni varla finnast hann fyndinn lengi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Konunglegt foreldrafrí
Fréttir
Í gær

Æpandi þögn lögreglu í Bauhaus-málinu

Æpandi þögn lögreglu í Bauhaus-málinu
Eyjan
Í gær

Jim Ratcliffe á meira en 1% af Íslandi – Kallað eftir skattrannsókn – Þingmaður vill selja ríkisjarðir fyrir 6 milljarða

Jim Ratcliffe á meira en 1% af Íslandi – Kallað eftir skattrannsókn – Þingmaður vill selja ríkisjarðir fyrir 6 milljarða
Eyjan
Fyrir 4 dögum

Vegagerðin kærir ákvörðun Skipulagsstofnunar

Vegagerðin kærir ákvörðun Skipulagsstofnunar
Eyjan
Fyrir 4 dögum

Yfirlýsing frá landeigendum vegna Drangajökulsvíðerna

Yfirlýsing frá landeigendum vegna Drangajökulsvíðerna