„Kjarasamningar aðildarfélaga BHM við ríkið, Reykjavíkurborg og Samband íslenskra sveitarfélaga hafa nú verið lausir í meira en tvo mánuði. Óviðunandi hægagangur er í samningaviðræðunum að mati BHM,“
segir í tilkynningu frá BHM.
Aðildarfélög BHM hafa alfarið hafnað flatri krónutöluhækkun launa þar sem slíkt samrýmist ekki kröfum félaganna um eðlilegan fjárhagslegan ávinning háskólamenntunar og er sagt fela í sér kjararýrnun.
„Aðaláherslur í kröfugerð félaganna eru að menntun sé metin til launa, að lágmarkslaun séu hækkuð og að virkur vinnutími sé styttur. BHM skorar á opinbera viðsemjendur aðildarfélaga bandalagsins að taka kjaraviðræðurnar föstum tökum og ganga til samninga við félögin.“