Á bæjarstjórnarfundi í Seltjarnarnesbæ í dag verður tekin endanleg ákvörðun um þátttöku bæjarins í uppbyggingu og kostnaði Borgarlínu. Sjálfstæðisflokkurinn er þar með fjóra fulltrúa af sjö í meirihluta og Magnús Örn Guðmundsson, forseti bæjarstjórnar og bæjarfulltrúi Sjálfstæðisflokksins hefur lagt fram bókun gegn málinu og þá birti Sjálfstæðisfélag Seltirninga bókun á samfélagsmiðlum í dag hvar lagst var gegn aðkomu bæjarins að Borgarlínu, en hlutur bæjarins verður 16 milljónir á næstu tveimur árum.
Sigrún Edda Jónsdóttir, bæjarfulltrúi Sjálfstæðisflokksins, hyggst kjósa með tillögunni um Borgarlínuna samkvæmt Fréttablaðinu og þar með er kominn meirihluti fyrir málinu, óháð því hvernig hinir tveir fulltrúar Sjálfstæðisflokksins kjósa, þar sem bæjarfulltrúar Viðreisnar og Samfylkingar hyggjast einnig kjósa með tillögunni.