fbpx
Mánudagur 24.júní 2019
Eyjan

Katrín hitti Stoltenberg: „Pólitískt samtal og samráð þarf alltaf að vera í fyrirrúmi“

Ritstjórn Eyjunnar
Þriðjudaginn 11. júní 2019 19:30

Katrín ásamt Stoltenberg í dag. Mynd-Stjórnarráðið

Ekki missa af Helstu tíðindum dagsins í pósthólfið þitt

Lesa nánar

Öryggismál á Norður-Atlantshafi, fyrirhuguð verkefni Íslands í Kosovo, norrænt öryggismálasamstarf og fjölþátta ógnir voru aðalumræðuefnin á fundum Katrínar Jakobsdóttur, forsætisráðherra, og Guðlaugs Þórs Þórðarsonar, utanríkisráðherra, með Jens Stoltenberg, framkvæmdastjóra Atlantshafsbandalagsins, samkvæmt tilkynningu. Stoltenberg er staddur hér á landi í heimsókn í boði forsætisráðherra.

Heimsókn Stoltenbergs hófst í morgun á öryggissvæðinu á Keflavíkurflugvelli þar sem hann kynnti sér starfsemina í stjórnstöð Atlantshafsbandalagsins. Forstjóri og starfsfólk Landhelgisgæslunnar sýndu stjórnstöðina og sögðu frá rekstri ratsjárkerfisins sem Ísland sinnir fyrir bandalagið. Einnig kynntu yfirmenn bandarískrar flugsveitar verkefni og flugvélar vegna eftirlits og vöktunar hafsvæðisins í grennd við Ísland.

Framkvæmdastjórinn átti því næst vinnufund með Guðlaugi Þór Þórðarsyni utanríkisráðherra þar sem rætt var um öryggismál á norðurslóðum og Norður-Atlantshafi, norrænt öryggismálasamstarf, formennsku Íslands í Norðurskautsráðinu og samstarf á norrænum vettvangi um varnar- og öryggismál. Áherslur Íslands á jafnréttismál í bandalaginu og verkefnum þess, aukin þátttaka í uppbyggingu eftir stríðsátök og þjálfunar- og ráðgjafarverkefni voru einnig til umræðu. Framkvæmdastjórinn hefur farið þess á leit að Ísland taki að sér eftirlitshlutverk og stuðning við Kósóvó til að opna fleiri flugleiðir til landsins. Takmarkanir á aðflugsleiðum snúa að pólitískum erfiðleikum á svæðinu og lengir það ferðir, eykur eldsneytiskostnað og mengun. Verkefni bandalagsins í Kósóvó, KFOR, er unnið á grundvelli ályktunar öryggisráðs Sameinuðu þjóðanna og styður við öryggi og stjórnun landsins.

Katrín Jakobsdóttir, forsætisráðherra, fundaði síðdegis með framkvæmdastjóranum í Ráðherrabústaðnum við Tjarnargötu, þar sem m.a. var rætt um kjarnorkuvopnatakmarkanir og afvopnunarmál, fjölþáttaógnir og netöryggismál og stöðu jafnréttismála. Síðast en ekki síst ræddu þau um málefni Norðurskautsins, þá umhverfisvá sem stafar af aukinni umferð um svæðið og mikilvægi þess að eiga friðsamlegt samstarf á alþjóðavettvangi um málefni Norðurskautsins.

Katrín Jakobsdóttir, forsætisráðherra:

„Í samtali mínu við Jens Stoltenberg lagði ég áherslu á mikilvægi þess að nálgast umræðuna um öryggismál á breiðum grunni. Fjölþátta ógnir og falsfréttir ógna friði með því að grafa undan trausti, og mikilvægum gildum lýðræðis og mannréttinda. Sé markmið okkar að koma í veg fyrir átök, þarf að leggja áherslu á að byggja brýr þar sem pólitískt samtal og samráð þarf alltaf að vera í fyrirrúmi.“

Guðlaugur Þór Þórðarson, utanríkisráðherra:

„Við Íslendingar eigum traustan bandamann í Jens Stoltenberg og það er mikilvægt að geta átt við hann reglulegt samtal um varnir og öryggi á svæðinu í kringum landið okkar. Þá eru mjög áhugaverð verkefni framundan í Kósóvó en á sínum tíma gegndu íslensk flugmálayfirvöld mikilvægu hlutverki við uppbyggingu á Pristina-flugvelli með vottun flugvallarins og þjálfun flugumferðarstjóra. Nú gefst okkur aftur kostur á að leggja okkar af mörkum til að styðja við uppbyggingu og öryggi þar í landi.“

Að loknum fundi með forsætisráðherra sótti framkvæmdastjórinn fund Þjóðaröryggisráðs, sem forsætisráðherra stýrði, þar sem rædd var staða öryggismála á alþjóðavísu og áherslur Íslands. Einkum var áhersla lögð á nýjar og vaxandi fjölþættar ógnir sem beinast að samfélagsinnviðum, netöryggi og viðbúnaði sem ríki þurfa að búa yfir til þess að mæta slíkum áskorunum. Í framhaldinu heimsótti hann Alþingi og fundaði með utanríkismálanefnd.

Í dag flutti Stoltenberg svo erindi á opinni málstofu í Norræna húsinu á vegum Alþjóðamálastofnunar Háskóla Íslands, utanríkisráðuneytisins og Varðbergs. Heimsókninni lýkur með kvöldverði í boði forsætisráðherra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Stóra póstnúmeramálið

Stóra póstnúmeramálið
Eyjan
Fyrir 2 dögum

Meiri agavandamál í íslenskum skólum en á hinun Norðurlöndunum

Meiri agavandamál í íslenskum skólum en á hinun Norðurlöndunum
Eyjan
Fyrir 3 dögum

Jákvæðar niðurstöður úr tilraunarverkefni um styttingu vinnuvikunnar – Meiri ánægja, minna álag

Jákvæðar niðurstöður úr tilraunarverkefni um styttingu vinnuvikunnar – Meiri ánægja, minna álag
Fyrir 3 dögum

Simmi Vill og Óli Valur

Simmi Vill og Óli Valur
Eyjan
Fyrir 3 dögum

Segir inngripið grafalvarlegt mál: „Formaður VR hlýtur nú að bjóða sig fram til setu í stjórn“

Segir inngripið grafalvarlegt mál: „Formaður VR hlýtur nú að bjóða sig fram til setu í stjórn“
Eyjan
Fyrir 3 dögum

Nefnir sex ástæður fyrir því að Gylfi eigi ekki að verða næsti seðlabankastjóri – „Skiptir máli hér sem fyrr að eiga vini á réttum stöðum“

Nefnir sex ástæður fyrir því að Gylfi eigi ekki að verða næsti seðlabankastjóri – „Skiptir máli hér sem fyrr að eiga vini á réttum stöðum“
Eyjan
Fyrir 3 dögum

Helga er Reykvíkingur ársins 2019

Helga er Reykvíkingur ársins 2019
Eyjan
Fyrir 3 dögum

Lögreglan má sekta þig fyrir að ryðjast framfyrir í röð – Vannýtt innheimtutækifæri fyrir ríkissjóð?

Lögreglan má sekta þig fyrir að ryðjast framfyrir í röð – Vannýtt innheimtutækifæri fyrir ríkissjóð?