fbpx
Mánudagur 17.júní 2019
Eyjan

Íslendingar og úthaldsskorturinn

Egill Helgason
Þriðjudaginn 4. júní 2019 16:54

Ekki missa af Helstu tíðindum dagsins í pósthólfið þitt

Lesa nánar

Íslendingar eru ekki þjóð sem hefur mikið úthald. Við erum betri í snörpum og stuttum skorpum, tökum hlutina með trukki, oft á síðustu stund og með heldur lélegum undirbúningi.

Svo vonum við að hlutirnir reddist.

Um þetta eru ótal dæmi. Uppgangur ferðaþjónustunnar síðastliðin ár er hið nýjasta. Nú er það allt komið í óefni af því við ætluðum að gera hlutina með okkar lagi og án þess að leggjast í alvöru rannsóknarvinnu.

Þegar Íslendingar eru á toppi öldufaldsins eru þeir oft fullir af oflæti og eru alveg vissir um að þeir geri allt og viti allt best – séu algjörlega óviðjafnanlegir.

Svo kemur högg og þá eiga þeir til að leggjast í vol og víl og missa alveg sjálfstraustið – að minnsta kosti tímabundið.

Gengi íslenska landsliðsins í fótbolta er athyglisvert í þessu sambandi. Það er ekki nema ár síðan liðið keppti í úrslitum heimsmeistaramótsins, ekki nema þrjú ár frá Evrópukeppninni frækilegu.

En tiltrúin og áhuginn hafa fjarað út. Fyrir stuttu var talað um nauðsyn þess að byggja nýjan og stóran leikvang í Laugardalnum sem myndi rúma allt að 25 þúsund manns.

Í dag birtist viðtal við landsliðsmann sem segir að það sé út hött að ekki sé uppselt á mikilvæga leiki gegn Albönum og Tyrkjum í Laugardalnum í undankeppni Evrópumótsins. Nú er völlurinn ekki of lítill lengur. En landsliðið þarf á góðum stuðningi að halda ef það á að geta fylgt eftir sínum góða árangri.

En svona er þetta á Íslandi, skorpan er búin, við höfum ekki meira úthald.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Smálánafyrirtæki geta tæmt bankareikninginn þinn – Vextirnir allt að 35 þúsund prósent – „Náttúrulega út úr öllu korti“

Smálánafyrirtæki geta tæmt bankareikninginn þinn – Vextirnir allt að 35 þúsund prósent – „Náttúrulega út úr öllu korti“
Eyjan
Fyrir 3 dögum

Barnaverndarbreytingar Brynjars felldar: „Þá vitum við að vernd barna gegn ofbeldi er léttvægari en réttindi mæðra“

Barnaverndarbreytingar Brynjars felldar: „Þá vitum við að vernd barna gegn ofbeldi er léttvægari en réttindi mæðra“