fbpx
Mánudagur 24.júní 2019
Eyjan

Ekki sérlega kurteis gestur – NHS líka undir í viðskiptasamningum Breta og Bandaríkjamanna

Egill Helgason
Mánudaginn 3. júní 2019 11:14

Ekki missa af Helstu tíðindum dagsins í pósthólfið þitt

Lesa nánar

Trump Bandaríkjaforseti mætir í opinbera heimsókn til Bretlands við sérkennilegar aðstæður. Það ríkir algjör upplausn í breskum stjórnmálum. Theresa May forsætisráðherra er á leiðinni út og óvíst hver tekur við – The Economist skrifar í forsíðugrein að Brexit sé ekki bara pólitísk kreppa heldur sé það að þróast yfir í stjórnskipunarkreppu.

Trump byrjar heimsókn sína á því að lýsa því yfir að borgarstjórinn í Lundúnum sé aumingi – þetta tvítar hann beint úr forsetaflugvélinni. Undanfarna daga hefur hann svo komið með stórfurðulegar yfirlýsingar um bresk stjórnmál – sem geta engan veginn talist við hæfi þjóðarleiðtoga sem er að koma í heimsókn.

Hann hefur lýst stuðningi við Boris Johnson í leiðtogakjöri íhaldsflokksins. Hann hefur sagt að Nigel Farage eigi að sitja við samningaborðið varðandi útgönguna úr Evrópusambandinu. Og hann hefur lýst yfir stuðningi við Brexit.

Og eitt enn – Trump þrætir fyrir það, en það er sannað með upptöku að hann hafi kallað Meghan Markle, tengdadóttur Karls Bretaprins, illgjarna.

Breska stjórnin telur heimsóknina mikilvæga vegna þess að hún vill gera viðskiptasamning við Bandaríkin að loknu Brexit. En það gæti verið ýmsum vandkvæðum bundið. Woody Johnson, sendiherra Bandaríkjanna í Bretlandi og vinur Trumps, var í nokkuð opinskáu viðtali í þætti Andrews Marr á BBC í gær.

Þar sagði hann hluti sem gætu staðið illilega í Bretum. Allar hliðar hagkerfisins yrðu á borðinu í slíkum samningum, meðal annars NHS, breska heilbrigðiskerfið. Það er nánast heilög kýr í Bretlandi – almenningur myndi seint fallast á kröfur um að bandarísk fjármálaöfl komist þar nærri.

Annað sem var rætt í viðtalinu voru bandarískar landbúnaðarvörur. Í Evrópu gilda strangari reglur um landbúnaðarframleiðslu en í Bandaríkjunum, en Bandaríkjastjórn vill að Bretar falli frá hinu stranga regluverki. Þar er meðal annars rætt um innflutning á klórþvegnum kjúklingi. Johnson sendiherra segir að breskir neytendur eigi að hafa val um hvort þeir kaupi slíkar vörur eða ekki.

Trump hefur lengi langað í opinbera heimsókn til Bretlands. Fyrir hann skiptir mestu máli að komast á mynd með drottningunni, láta taka á móti sér í Buckinghamhöll, fá að skoða heiðursvörð. Þetta eru hlutir sem hinn hégómlegi Trump kann að meta, tildur og hátignarskap. Svo er spurning hvort hin miklu mótmæli sem er boðað til í Lundúnum nái að skyggja eitthvað á gleðina. En það verður seint sagt að forsetinn sýni gestgjöfum sínum sérstaka kurteisi.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Breyttir neysluhættir – hefðbundin verslun er alls staðar í kreppu og á sama tíma er byggt gríðarlega mikið af verslunarhúsnæði í Reykjavík

Breyttir neysluhættir – hefðbundin verslun er alls staðar í kreppu og á sama tíma er byggt gríðarlega mikið af verslunarhúsnæði í Reykjavík
Eyjan
Fyrir 2 dögum

Stóra póstnúmeramálið

Stóra póstnúmeramálið
Eyjan
Fyrir 3 dögum

Umhverfisstofnun vill friðlýsa Dranga á Ströndum – Tilraun tvö

Umhverfisstofnun vill friðlýsa Dranga á Ströndum – Tilraun tvö
Eyjan
Fyrir 3 dögum

Jákvæðar niðurstöður úr tilraunarverkefni um styttingu vinnuvikunnar – Meiri ánægja, minna álag

Jákvæðar niðurstöður úr tilraunarverkefni um styttingu vinnuvikunnar – Meiri ánægja, minna álag