Hlutirnir hanga saman og stundum með hætti sem við hugsum ekki út í.
Það er talað um uppdráttarsýki í verslun í Miðbænum.
Í dag sagði við mig afgreiðslumaður í búð í Austurstræti að Íslendingum hefði fækkað í götunni eftir að pósthúsið lokaði.
Þeir eiga ekki erindi þangað lengur. Og það hefur áhrif á aðra starfsemi á svæðinu.
Þegar enga þjónustu er að sækja í bæinn koma færri þangað – það gefur auga leið.
Pósthúsið gamla stendur hins vegar autt og yfirgefið, engum til gagns – og er nú í eigu stórs fasteignafélags.
En af því fólkinu hefur fækkað í bænum er vandséð að nokkur sjái sér hag í að setja upp starfsemi þarna. Það er keðjuverkun.