fbpx
Sunnudagur 21.júlí 2019  |
Eyjan

„Klausturfokk“ er ný drápa eftir Verkalýðs-Nínu – „Skrautmálgir þrífót sinn þrálátt þar nefna“

Ritstjórn Eyjunnar
Föstudaginn 24. maí 2019 14:30

Ekki missa af Helstu tíðindum dagsins í pósthólfið þitt

Lesa nánar

Jónína Björg Magnúsdóttir, baráttukona frá Akranesi, hefur sent frá sér nýtt lag þar sem hún tekur Klausturmálið fyrir. Hún birtir lagið á Youtube og skrifar.

„Mér ofbauð allt Klaustursmálið sem aldrei virðist taka enda. Bára Halldórsdóttir hefur axlað og mun axla ábyrgð á upptöku sinni en þeir þingmenn sem sátu vel og lengi að sumbli á vinnutíma og ofbuðu gestum og gangandi og allri þjóðinni með talsmáta sínum, hafa fram að þessu ekki axlað ábyrgð orða sinna. Hverjir borga laun þeirra? Það eru jú þú og ég kæri meðborgari.“

Jónína öðlaðist landsfrægð árið 2015 þegar hún sendi frá sér lagið Sveiattan. Þar jós hún úr skálum reiði sinnar yfir stjórnendur HB Granda en Jónínu var algjörlega misboðið þegar hún og samstarfsfólk hennar fékk íspinna í bónus fyrir metafköst í frystihúsinu á Akranesi. Fékk hún í kjölfarið gælunafnið Verkalýðs- Nína, þar sem hún þótti holdgervingur þess ranglætis sem fiskverkunarfólk mátti þola, en HB Grandi sagði að lokum upp öllum starfsmönnum í landvinnslu á Akranesi. Á svipuðum tíma hafði stjórn HB Granda ákveðið arðgreiðslur til eigenda sinna upp á 2,7 milljarða króna.

Hægt er að hlusta á nýja lagið í myndbandinu hér að neðan og textinn fylgir þar fyrir neðan:

Sér grefur gröf sem grefur – orðsporsdrápa

Hér innan kaldra klausturveggja

kunnugleg hljóð frá borði þar berast.

Skörungar sitja og mæla mikið,

skrautmálgir þrífót sinn þrálátt þar nefna.

Mjöðurinn þurrar kverkar vætir

óhljóð og ískur og orðræður eflast.

 

Kvensnift þar ein í horni húkir

háðungsorðræða eyrum ofbýður.

Upptekur viðbjóð og viðurstyggð.

Af óhróðri í bylgjum hulu af sviptir,

í dagsljósið dregur ósómans æru.

Þingmannsins orðspor þar með deyr.

 

Lag: Grafskrift

Texti: Jónína Björg Magnúsdóttir

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Trygging Isavia flogin á brott: „Málinu er þó ekki lokið og verður rekið fyrir dómstólum“

Trygging Isavia flogin á brott: „Málinu er þó ekki lokið og verður rekið fyrir dómstólum“
Eyjan
Fyrir 2 dögum

Sjálfstæðisflokkur tapar fylgi til Miðflokksins og er í sögulegri lægð – Píratar bæta við eftir Birgittumálið

Sjálfstæðisflokkur tapar fylgi til Miðflokksins og er í sögulegri lægð – Píratar bæta við eftir Birgittumálið
Eyjan
Fyrir 3 dögum

„Sama hvaða drullupollur verður á vegi Miðflokksins, þingmenn hans stökkva kátir í bað“

„Sama hvaða drullupollur verður á vegi Miðflokksins, þingmenn hans stökkva kátir í bað“
Eyjan
Fyrir 3 dögum

Er FaceApp flagð undir gömlu skinni ? – „Grunsemdir um að þetta sé njósnaforrit á vegum rússnesku leyniþjónustunnar!“

Er FaceApp flagð undir gömlu skinni ? – „Grunsemdir um að þetta sé njósnaforrit á vegum rússnesku leyniþjónustunnar!“
Eyjan
Fyrir 4 dögum

Birgitta útilokar stofnun nýs stjórnmálaflokks: „Læt öðrum eftir það stöff“

Birgitta útilokar stofnun nýs stjórnmálaflokks: „Læt öðrum eftir það stöff“
Eyjan
Fyrir 4 dögum

„Dapurlegar hótanir og mismunun af hálfu Sambands íslenskra sveitarfélaga“

„Dapurlegar hótanir og mismunun af hálfu Sambands íslenskra sveitarfélaga“