Logi Einarsson, formaður Samfylkingarinnar, segir ummæli Ragnars Önundarsonar um flokksforystu Sjálfstæðisflokksins, vera ömurleg. Eyjan greindi frá ummælum Ragnars í morgun, hvar hann hélt því fram að prófkjör hefðu orðið til þess að í forystusveit flokksins hefði valist fólk með „sjónvarps- útlit“ sem hefði hærri hugmyndir um sjálft sig en innistæða væri fyrir. Sagði hann Áslaugu Örnu Sigurbjörnsdóttur, ritara og þingmann flokksins, vera „sætan krakka.“
Sjá nánar: Ragnar gerði það aftur:„Glæsilegasta konan er varaformaður og sætasti krakkinn ritari“
Logi kemur ráðherrum Sjálfstæðisflokksins til varnar:
„Nú þekki ég lítið til Þórdísar Kolbrúnar en sýnist hún hins vegar hafa margt til brunns að bera sem ráðherra. Áslaugu Örnu þekki ég hins vegar vel enda er hún formaður í utanríkismálanefnd, sem ég á sæti í. Hún er frábær í samstarfi; sanngjörn en fylgin sér og setur sig vel inn í mál. Hefur allt sem prýðir góða stjórnmálakonu, þótt við séum vissulega ekki oft sammála. Mér finnst þessi ummæli ömurleg en lýsa því kannski ágætlega hvað við er að eiga þegar kemur að baráttunni fyrir jafnrétti og meira frjálslyndi.“