fbpx
Sunnudagur 26.maí 2019
Eyjan

Móðurmál – Samtök um tvítyngi á Íslandi hljóta Mannréttindaverðlaun 2019

Ragna Gestsdóttir
Fimmtudaginn 16. maí 2019 16:30

Mynd: Facebook-síða Reykjavíkurborgar

Ekki missa af Helstu tíðindum dagsins í pósthólfið þitt

Lesa nánar

Dagur B. Eggertsson borgarstjóri afhenti í dag Móðurmáli – Samtökum um tvítyngi á Íslandi  Mannréttindaverðlaun Reykjavíkurborgar 2019 á mannréttindadegi borgarinnar.

Mannréttindaverðlaunin eru nú veitt í tólfta sinn en þau eru veitt þeim einstaklingum, félagasamtökum eða stofnunum sem hafa á eftirtektarverðan hátt staðið vörð um mannréttindi tiltekinna hópa. Markmiðið með mannréttindadeginum er að vekja athygli á mannréttindastefnu Reykjavíkurborgar og mikilvægi samfélags þar sem mannréttindi eru virt.

Móðurmál – samtök um tvítyngi eru regnhlífarsamtök móðurmálskennsluhópa sem kenna börnum innflytjenda móðurmál þeirra eða foreldra þeirra. Starfsemin grundvallast á Barnasáttmála Sameinuðu þjóðanna, þar sem segir að menntun barns skuli efla virðingu barnsins fyrir menningararfleifð sinni og tungu.

Í umsögn  valnefndar kemur fram að Samtökin hafi unnið gífurlega mikilvægt starf undanfarinn aldarfjórðung við að kenna börnum innflytjenda móðurmál sitt, styrkja erlenda foreldra í að viðhalda móðurmáli barna sinna og við að byggja upp þekkingu og reynslu í móðurmálskennslu á Íslandi.

Við afhendingu verðlaunanna í dag sagði borgarstjóri: „Þegar starfsemi Móðurmáls, árangur af starfinu og faglegur metnaður er skoðaður er ótrúlegt til þess að hugsa að það er nánast allt unnið í sjálfboðavinnu. Samtökin, eiga mikið hrós skilið fyrir öflugt og óeigingjarnt starf til að efla lífsgæði barna og gera Reykjavík að betri borg“.

Réttindaráð Hagaskóla hljóta hvatningarverðlaun mannréttinda- og lýðræðisráðs 2019 

Gunnlaugur Bragi Björnsson, varaformaður mannréttinda- og lýðræðisráðs afhenti fulltrúum réttindaráðs Hagaskóla hvatningarverðlaun mannréttinda- og lýðræðisráðs. Hvatningarverðlaunin eru veitt fyrir  þróunar- og nýbreytnistarf á sviði mannréttinda- og lýðræðismála fyrir verkefni sem styðja við mannréttindavernd og lýðræðiseflingu. Réttindaráð Hagaskóla og aðrir nemendur sýndu eftirtektarvert fordæmi með undirskriftasöfnun og kröfugöngu í þeim tilgangi að koma í veg fyrir að samnemandi þeirra, Zainab Safari, yrði send úr landi.

Í rökstuðningi segir:

„Með aðgerðum sínum vöktu þau mikla athygli á stöðu barna á flótta og mikilvægi þess að virða mannréttindi flóttafólks. Nemendur sýndu samstöðu, hugrekki og gagnrýna hugsun og með því vörpuðu þau ljósi á hversu mikil áhrif einstaklingar geta haft á samfélagið sitt án þess að vera sjálfir í valdastöðu“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Jón hjólar í Grapevine: „Þannig byggjum við upp fasistaríki“

Jón hjólar í Grapevine: „Þannig byggjum við upp fasistaríki“
Eyjan
Í gær

Sanna Magdalena ósátt við viðbrögð Hauka vegna rasískra ummæla Björgvins

Sanna Magdalena ósátt við viðbrögð Hauka vegna rasískra ummæla Björgvins
Eyjan
Fyrir 3 dögum

Katrín á kynjafræðiráðstefnu með Reykjavíkurdætrum: „Líkamar kvenna eru dregnir inn í pólitíska umræðu“

Katrín á kynjafræðiráðstefnu með Reykjavíkurdætrum: „Líkamar kvenna eru dregnir inn í pólitíska umræðu“
Eyjan
Fyrir 3 dögum

Svona gætu Malarhöfði og Lágmúli litið út í framtíðinni

Svona gætu Malarhöfði og Lágmúli litið út í framtíðinni