Reykjavíkurborg, London, París, Barcelona, Höfðaborg og Hong Kong eru meðal þeirra borga sem hlutu hæstu einkunn í loftslagsmálum hjá samtökunum Carbon Disclosure Project (CDP) á dögunum.
Samtökin gefa stórborgum um allan heim einkannir eftir frammistöðu þeirra í baráttunni gegn loftslagsmálum, hversu vel þeim hefur tekist að draga úr útblæstri og koma sér upp loftslagsstefnu.
Alls eru 596 borgir í skýrslu CDP, en aðeins 43 fá A einkunn. Fjórar borgir eru sagðar hafa náð því markmiði að að vera reknar alfarið á endurnýjanlegum orkugjöfum, en það eru París, San Fransisco, Canberra og Reykjavík.
Þá er Reykjavík meðal þeirra 13 borga sem hafa það að markmiði að verða algerlega kolefnisjafnaðar fyrir árið 2050, en Reykjavík ætlar sér að ná því markmiði tíu árum fyrr, eða 2040.