fbpx
Sunnudagur 26.maí 2019
Eyjan

Utanríkisviðskiptaráðherra Bretlands fundaði með Guðlaugi Þór

Ritstjórn Eyjunnar
Laugardaginn 11. maí 2019 09:32

Ekki missa af Helstu tíðindum dagsins í pósthólfið þitt

Lesa nánar

Guðlaugur Þór Þórðarson utanríkisráðherra og Liam Fox, utanríkisviðskiptaráðherra Bretlands, hittust í gær á fundi á Nesjavöllum en Fox er staddur í heimsókn hér á landi.

Ráðherrarnir ræddu tvíhliða samskipti ríkjanna, stöðu mála þegar kemur að útgöngu Bretlands úr Evrópusambandinu og fyrirætlanir um framtíðarsamning Íslands og Bretlands að útgöngunni lokinni. Þá ræddu þeir einnig viðskiptatengsl við vinaþjóðir á borð við Bandaríkin, Kanada og Japan.

„Samband Bretlands og Íslands verður áfram sterkt óháð því hver niðurstaðan um Brexit verður. Við höfum þegar tryggt að núverandi tollkjör haldist ef Bretland gengur úr ESB án samnings og  hlökkum til að hefja viðræður um viðamikinn framtíðarsamning þegar þar að kemur,“ sagði Guðlaugur Þór eftir fundinn.

„Á milli Bretlands og Íslands hefur um árabil verið góð vinátta en líka lífleg viðskipti enda erum við samherjar þegar kemur að frjálsri milliríkjaverslun. Við erum staðráðin í að styrkja enn frekar öflugt viðskiptasamband þegar Bretland gengur úr ESB,“ segir Liam Fox.

Hagsmunagæsla vegna Brexti er eitt viðamesta verkefni utanríkisþjónustunnar um þessar mundir. Í aldarfjórðung hafa samskipti Íslands og Bretlands byggst á EES-samningnum en svo verður ekki eftir að Bretland gengur úr ESB. Á grundvelli víðtækrar hagsmunagreiningar hefur Ísland náð samningum við Bretland sem tryggir kjarnahagsmuni um vöruviðskipti, búseturéttindi og loftferðamál, hvort sem Bretland gengur úr ESB með eða án samnings.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Jón hjólar í Grapevine: „Þannig byggjum við upp fasistaríki“

Jón hjólar í Grapevine: „Þannig byggjum við upp fasistaríki“
Eyjan
Í gær

Sanna Magdalena ósátt við viðbrögð Hauka vegna rasískra ummæla Björgvins

Sanna Magdalena ósátt við viðbrögð Hauka vegna rasískra ummæla Björgvins
Eyjan
Fyrir 3 dögum

Katrín á kynjafræðiráðstefnu með Reykjavíkurdætrum: „Líkamar kvenna eru dregnir inn í pólitíska umræðu“

Katrín á kynjafræðiráðstefnu með Reykjavíkurdætrum: „Líkamar kvenna eru dregnir inn í pólitíska umræðu“
Eyjan
Fyrir 3 dögum

Svona gætu Malarhöfði og Lágmúli litið út í framtíðinni

Svona gætu Malarhöfði og Lágmúli litið út í framtíðinni