Lögmaður fjögurra Klaustursþingmanna Miðflokksins hefur lagt fram kröfu til Persónuverndar þess efnis að fá upplýsingar frá fjármálafyrirtækjum um greiðslur inn á reikning Báru Halldórsdóttur frá 15. nóvember til 15.desember síðastliðins. RÚV greinir frá.

Krafan tekur til aukinnar gagnaöflunar í málinu, en samkvæmt forstjóra Persónuverndar, nær það einnig til frekara vöktunarefnis úr öryggismyndavélum Klausturs og Kvosarinnar Downtown Hotel, sem og upplýsingum frá fjarskiptafyrirtækjum um smáskilaboð og símtöl til og frá Báru á tveggja daga tímabili.

Helga vildi ekki tjá sig um málið við RÚV, en krafan verður afgreidd á stjórnarfundi Persónuverndar á mánudaginn næstkomandi.

Bára sagði í samtali við Eyjuna að það yrði ansi tómlegt um að litast á reikningi hennar við slíka skoðun og neitaði fyrir að henni hafi borist greiðslur fyrir að stunda hleranir.