fbpx
Laugardagur 25.maí 2019
Eyjan

Katrín Jakobsdóttir er meðal hæst launuðu þjóðarleiðtoga heims

Kristján Kristjánsson
Þriðjudaginn 23. apríl 2019 07:45

Katrín virðist hafa ágæt laun. Mynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Katrín Jakobsdóttir, forsætisráðherra, er meðal launahæstu þjóðarleiðtoga í heiminum ef miða má við lista sem bandaríska dagblaðið USA Today birti á páskadag um tuttugu tekjuhæstu þjóðarleiðtoga heims. Listinn nær yfir fólk sem hefur í raun einhver völd, er yfir framkvæmdavaldi eða ríkisstjórn, frekar en þjóðhöfðingja sem oft hafa meira táknrænt hlutverk. Þá eru einræðisherrar og leiðtogar konungsríkja á borð við Katar og Sádi-Arabíu ekki með í umfjölluninni vegna skorts á áreiðanlegum gögnum um laun þeirra.

USA Today gefur launin upp í Bandaríkjadölum en samkvæmt umfjöllun blaðsins hafði Katrín um 242.000 dollara í laun á síðasta ári en útreikningarnir eru miðaðir við gengi gjaldmiðla þann 13. apríl 2018. Þessi laun koma henni í 17. sæti listans.

Laun Katrínar eru aðeins lægri en laun starfsbræðra hennar í Svíþjóð og Danmörku, þeirra Stefan Löfven og Lars Løkke Rasmussen en þeir eru í 15. og 16 sæti. Löfven var með um 244.000 dollara í laun á síðasta ári og Rasmussen með 249.000 dollara. Erna Solberg, forsætisráðherra Noregs, kemst ekki á listann.

Fjórar konur er að finna á listanum. Jacinda Ardern, forsætisráðherra Nýja-Sjálands, er í sjöunda sæti með tæplega 340.000 dollara í árslaun. Angela Merkel, kanslari Þýskalands, er í sjötta sæti með tæplega 370.000 dollara í árslaun. Launahæsta konan er Carrie Lam, framkvæmdastjóri/landstjóri Hong Kong, en hún er mð um 568.000 dollara í árslaun.

Forsætisráðherra Singapúr, Lee Hsien Loong, trónir á toppi listans með um 1,6 milljónir dollara í árslaun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 23 klukkutímum

Nýtt málþófsmet hjá Miðflokknum

Nýtt málþófsmet hjá Miðflokknum
Eyjan
Í gær

Sigmundur Davíð: „Ég er ánægður með að það hafi komið eðlileg niðurstaða í málið“

Sigmundur Davíð: „Ég er ánægður með að það hafi komið eðlileg niðurstaða í málið“
Eyjan
Í gær

Úrskurður Persónuverndar í Klaustursmáli Báru Halldórsdóttur – Upptökur ólöglegar en ekkert samsæri

Úrskurður Persónuverndar í Klaustursmáli Báru Halldórsdóttur – Upptökur ólöglegar en ekkert samsæri
Eyjan
Í gær

Útrásarvíkingar toppuðu Everest – Lýður náði alslemmu – Tveir létu lífið

Útrásarvíkingar toppuðu Everest – Lýður náði alslemmu – Tveir létu lífið